धादिङको नोभा जेनेटिकका औषधि उद्योगमा आगलागी

आर्थिकन्यूज
बुधबार, १४ जेठ २०७७

धादिङ । धादिङको धुनिबेंशी नगरपालिकामा रहेको नोभा जेनेटिकका औषधि उद्योगमा आगलागी भएको छ । धुनिबेंशी नगरपालिका–६ खानीखोलामा रहेको नोभा जेनेटिकका औषधि उद्योगमा आगलागी भएको हो ।

नगरपालिकाको दमकल, इलाका प्रहरी कार्यलय खानीखोलाबाट खटिएका प्रहरी र स्थानीयको सहयोगमा आगो निभाउने प्रयास भइरहेको छ ।

आगलागीमा क्षति कति भयो र कसरी भयो भन्ने बारेमा अनुसन्धान भइरहेको प्रहरीले जानकारी दिएका छन् ।