स्वास्थ्य क्षेत्रका लागि गतवर्ष भन्दा २२ अर्ब ९ करोडले बढी बजेट

आर्थिकन्यूज
विहीबार, १५ जेठ २०७७

काठमाडौं । सरकारले स्वास्थ्य तथा जनसंख्या मन्त्रालयलाई ९० अर्ब ६९ करोड बजेट छुट्याएको छ । आगामी आर्थिक वर्ष २०७७÷०७८ को लागि गत वर्षको भन्दा २२ अर्ब ९ करोडले बढी बजेट विनियोजना गरेको छ ।

स्वास्थ्य मन्त्रालयले नयाँ कार्यक्रम सञ्चालनमा मात्रै २८ अर्ब ३१ करोड ८२ लाख बजेट माग गरेको थियो भने अन्य नियमित कार्यक्रम र चालु खर्चका लागि ५४ अर्ब ८३ करोड प्रस्ताव पेश गरेको थियो ।

स्वास्थ्य क्षेत्रको पूर्वाधारको लागि १२ अर्ब ६६ करोड रुपैयाँ विनियोजन गरिएको छ । कोरोना संक्रमितहरुको उपचारका लागि ६ अर्ब छुट्याइएको छ ।