कोरोनाबाट थप एक जनाको मृत्यु

आर्थिकन्यूज
शुक्रबार, १६ जेठ २०७७

काठमाडौं । नेपालमा कोरोना भाइरसका कारण थप एक जनाको मृत्यु भएको छ । स्वास्थ्य मन्त्रालयका प्रवक्ता डा. विकास देवकोटाले अर्घाखाँचीको भूमिकास्थान नगरपालिकाका ३५ वर्षीय पुरुषको कोरोनाबाट मृत्यु भएको पुष्टि गरेका हुन् ।

देवकोटाका अनुसार ती संक्रमित पुरुषको जेठ १० गते भारतबाट नेपाल आउँने क्रममा ज्यान गएको थियो । उनको पीसीआर परीक्षणको पोजिटिभ रिपोर्ट बिहीबार आएको उनको भनाइ छ। उनको सम्पर्कमा रहेका व्यक्तिलाई क्वारेन्टाइनमा राखिएको छ।

योसंगै नेपालमा कोरोनाबाट मृत्यु हुनेको संख्या ६ पुगेको छ ।