घूससहित पक्राउ परे दुई सहायक वन अधिकृत

आर्थिकन्यूज
बुधबार, २१ जेठ २०७७

ताप्लेजुङ । अख्तियार दूरुपयोग अनुसन्धान आयोगको टोलीले डिभिजन वन कार्यालय ताप्लेजुङका दुई जना अधिकृतलाई घघूससहित पक्राउ गरेको छ । सहायक वन अधिकृतद्धय वीरेन्द्र साह र जीवनकुमार यादवलाई जनही एक–एक लाख रुपैयाँ घूससहित मंगलवार रंगेहात पक्राउ गरेको हो ।

आयोगका अनुसार चार सय किलो सेतक चिनी बिक्रीको लागि छुटपुर्जी बनाइदिन व्यवसायी सविन बानियाँसग शाह र यादवले घुस लिएका हुन् । दुवैजनालाई कार्यालयमै रकम लेनदेन भइरहेको अवस्थामा पक्राउ गरिएको हो ।