कोरोनाबाट थप एक जनाको मृत्यु

आर्थिकन्यूज
विहीबार, २२ जेठ २०७७

काठमाडौं । नेपालमा कोरोनाका कारण थप एक जनाको मृत्यु भएको छ । स्वास्थ्य तथा जनसंख्या मन्त्रालयका प्रवक्ता डा. विकास देवकोटाले पाल्पाका एक जनाको कोरोनाका कारण मृत्यु भएको पुष्टि गरेका हुन् ।

प्रवक्ता देवकोटाका अनुसार कोरोनाका कारण पाल्पाको पुर्वखोला गाउँपालिकाका सिलुवाका ४५ वर्षिया पुरुषको जेठ २० गते मृत्यु भएको हो । उनी ५ दिन अघि भारतबाट नेपाल आएका थिए । योसंगै नेपालमा कोरोनाका कारण मृत्यु हुनेको संख्या १० पुगेको छ ।