भारतमा कोरोनाबाट अहिलेसम्मकै धेरैको मृत्यु

आर्थिकन्यूज
विहीबार, २९ जेठ २०७७

भारत । भारतमा कोरोना भाइरसको संक्रमण भयावह बन्दै गएको छ। बुधबार एकैदिन भारतमा तीन सय ८८ जनाको मृत्यु भएको छ भने १२ हजार भन्दा धेरै संक्रमित भएका छन्।

बुधबार भारतमा भएको मृत्यु र संक्रमण एकैदिन देखिएको अहिलेसम्मकै सबैभन्दा धेरै हो। वल्र्डोमिटरका अनुसार बुधबार भारतमा १२ हजार तीन सय ७५ जना नयाँ संक्रमित थपिएका छन्। भारतमा अहिलेसम्म कोरोना संक्रमणबाट ज्यान गुमाउनेको संख्या आठ हजार एकसय सात पुगेको छ।

भारतमा अहिलेसम्म दुई लाख ८७ हजार एक सय ५५ जनामा संक्रमण देखिएको छ। त्यसमध्ये झण्डै एक लाख ४१ हजार संक्रमित उपचारपछि निको भएका छन्।