काठमाडौं उपत्यकामा थप ६ जनामा कोरोना संक्रमण पुष्टि

आर्थिकन्यूज
विहीबार, ०४ असार २०७७

काठमाडौं । उपत्यकामा थप ६ जनामा कोरोना भाइरसको संक्रमण पुष्टि भएको छ । स्वास्थ्य मन्त्रालयका प्रवक्ता डा. जागेश्वर गौतमले उपत्यकामा थप ६ जनामा कोरोना भाइरसको संक्रमण भएको पुष्टि गरेका हुन् ।

प्रवक्ता गौतमका अनुसार काठमाडौंका एक महिला र एक पुरुष, भक्तपुरका एक महिला र दुइ जना पुरुष र ललितपुरका एक जना पुरुषमा कोरोना भाइरसको संक्रमण भएको हो ।

योसंगै नेपालमा कोरोना भाइरसको संक्रमितको संख्या ७८४८ पुगेको छ भने एक हजार १८६ जना निको भएर घर फर्किसकेका छन् ।