कोरोनाबाट थप एकको मृत्यु, संक्रमित १० हजार नाघे

आर्थिकन्यूज
मंगलबार, ०९ असार २०७७

काठमाडौं । नेपालमा कोरोना भाइरसको संक्रमणका कारण थप एक जनाको मृत्यु भएको छ। स्वास्थ्य मन्त्रालयका प्रवक्ता डा. जागेश्वर गौतमले दैलेखको दुल्लु नगरपालिका वडा नं ३ का ४५ वर्षिय पुरुषको मृत्यु भएको पुष्टि गरेका हुन् ।

डा. गौतमका अनुसार क्षयरोगका बिरामी रहेको ती पुुरुष क्षयरोगको औषधि सेवन गर्दै आएका थिए । उनलाई असार ४ गते कोरोना परीक्षण गर्दा रिर्पोट पोजेटिभ आएपछि आइसोलेशनमा राखेर उपचार गरिएको थियो । उनको असार ८ गते मृत्यु भएको हो ।

यो सहित नेपालमा कोरोनाबाट मृत्यु हुनेको संख्या २४ पुगेको छ भने संक्रमितको संख्या १० हजार ९९ पुगेको छ ।