स्रोत नखुलेको ६५ लाख नगदसहित कुलेश्वरबाट दुई जना पक्राउ

आर्थिकन्यूज
सोमबार, १५ असार २०७७

काठमाडौं । काठमाडौंको कुलेश्वरमा फलफूल व्यापार गर्दै आएका दुई जना पक्राउ परेका छन् । कुलेश्वरमा फलफूल व्यापार गर्ने बारा गढीमाईका ४७ वर्षीय रमेश सिंह र उनका साला भारतीय नागरिक २५ वर्षीय रविकुमार सिंहलाई सोमबार दिउँसो स्रोत नखुलेको ६५ लाख ८ हजार रुपैयाँ नगदसहित प्रहरीले पक्राउ गरेको हो ।

महानगरीय प्रहरी वृत्त कालीमाटीका अनुसार दुवै जनालाई कालीमाटी वृत्तमा राखिएको छ । उनीहरुबाट बरामद रकम हुन्डी कारोबार हुन सक्छ। यस विषयमा अनुसन्धान भइरहेको प्रहरीले जनाएको छ ।