गोगंबुको ग्यारेजमा आगलागी, १२ वटा माइक्रोबस जले

आर्थिकन्यूज
आइतबार, २१ असार २०७७

काठमाडौं । गोंगबु बसपार्क नजिकै रहेको एक ग्यारेजमा आगलागी भएको छ। बिहान ३ बजेतिर आगलागी हुँदा ८ वटा पूर्ण रुपमा र ४ वटा माइक्रोबस आंशिक रुपमा जलेको छ ।

आगलागीबाट बा ४ ख ४०९, बा २ क २०८०, बा १ ज ९६०३, बा १ ज ९४९८, बा २ छ १०९६, बा ३ ख ८५८९, बा ४ ख २४० र ग १ ज २०४६ नम्बरको माइक्रोबस पूर्ण रुपमा जलेर नष्ट भएको छ । यस्तै बा २ ख ४१७९, बा ४ ख २२६४, बा ३ ख ९००३ र बा १ ज ९६०० नम्बरको माइक्रोबस आंशिक रुपमा जलेको प्रहरीले जनाएको छ ।

प्रहरीका अनुसार आगलागीको कारण खुलेको छैन, यसबारे अनुसन्धान भइरहेको प्रहरीले जनाएको छ ।