आज पनि बढ्यो सुनको मूल्य

आर्थिकन्यूज
बुधबार, २४ असार २०७७

काठमाडौं । नेपाली बजारमा सुनको मूल्य आज बढेको छ । मंगलबार छापावाल सुन प्रतितोला ९० हजार ९ सयमा कारोबार भएकोमा आज ६ सयले बढेको नेपाल सुनचाँदी व्यावसायी महासंघले जनाएको छ ।

महासंघका अनुसार आज छापावाल सुनको मूल्य प्रतितोला ९१ हजार ५ सय रहेको छ भने तेजावी सुन प्रतितोला ९१ हजार ६० रहेको छ ।

त्यस्तै, आज चाँदीको मूल्य पनि बढेको छ । आइतबार चाँदी प्रतितोला ९५० रुपियाँमा कारोबार भएकोमा आज ५ रुपियाँले बढेर ९५५ मा कारोबार भइरहेको महासंघले जनाएको छ।