एजेन्सी । भारतको निजी क्षेत्रको ठूलो बैंक आईसीआईसीआई बैंक कोरोना संकट  बीचमा पनि काम गर्ने कर्मचारीलाई बम्पर पुरस्कार दिने घोषणा गरेको छ । ८० हजार कामदारहरूलाई थप सेवा सुविधा दिने घोषणा गरेको छ ।  बैंकले कर्मचारीहरूको तलब ८ प्रतिशत बढाउने बताएको छ ।

यसका लाभहरू ती कर्मचारीहरूलाई मात्र उपलब्ध हुने छ  । महामारीका बेलामा पनि बैंकको अग्रभागमा रहेर ग्राहकलाई सेवाहरू प्रदान गरिरहेका छन् । यद्यपि कम्पनीका ८० प्रतिशत कामदारहरूले यो सुविधा पाउने छन् ।

समाचार एजेन्सी पीटीआईका अनुसार तलब वृद्धि यस आर्थिक वर्ष २०२०/२१ मा हुनेछ र यो जुलाईदेखि लागू हुनेछ । समाचारका अनुसार एम १ ग्रेड र यसभन्दा मुनिका कर्मचारीहरूले बैंकले घोषणा गरेको सुविधा पाउने छन् । लकडाउन र कोरोना संकटको बीचमा पनि आईसीआईसीआई जस्ता धेरै बैंकहरूले हरेक दिन सीमित कर्मचारी र सीमित अवधिको लागि मात्र भएपनि बैंकिङ सेवाहरू प्रदान गरिरहेका छन् ।