एजेन्सी। बेलायत र अमेरिकाले रुसले अन्तरिक्षमा भूउपग्रहबाट हतियार प्रक्षेपण गरेको आरोप लगाएका छन् । बेलायतको अन्तरिक्ष निर्देशनालयका प्रमुखले एक विज्ञप्ति जारी गर्दै भनेका छन्, "रुसले हतियार जस्तो वस्तुको प्रयोग सहित जसरी उपग्रहको परीक्षण गर्‍यो त्यसबाट हामी चिन्तित छौँ।"

विज्ञप्तिमा भनिएको छ, 'यस्तो कार्य अन्तरिक्षको शान्तिमय उपयोगको लागि खतरा हो।' अमेरिकाले पनि रसियाको भूउपग्रहको बारेमा चिन्ता व्यक्त गरेको थियो।

ब्रिटेनको अन्तरिक्ष निर्देशनालयका प्रमुख एयरवेज मार्सल हार्वे स्मिथले एक विज्ञप्ति जारी गर्दै उल्लेख गरेका छन्, "यस प्रकारको कार्यले अन्तरिक्षको शान्तिमय उपयोगको लागि खतरा पैदा गर्दछ र सम्पूर्ण अन्तरिक्ष प्रणालीमा जोखिम पनि हो जसले सारा संसारलाई हानी गर्न सक्दछ। "

उनले भने, "हामी रसियालाई यस्ता परीक्षाहरूबाट टाढा रहन आग्रह गर्दछौँ। साथै रुसलाई अन्तरिक्षमा जिम्मेवार व्यवहार गर्न बेलायत र अन्य सहयोगीहरूसँग रचनात्मक रूपमा कार्य गर्न पनि आग्रह गर्दछौँ।" 

यो घटनापछि, अन्तरिक्षमा एक नयाँ प्रकारको हतियार दौड चिन्ता बढेको छ। अन्य देशहरू पनि अन्तरिक्षमा हतियारलाई कुन रूपमा प्रयोग गर्न सकिन्छ भन्ने  प्रविधिको अनुसन्धान गरिरहेका छन्।

अमेरिकाले भनेका छ कि यो रुसको उही उपग्रह प्रणाली हो जसको बारेमा उसले २०१८ मा चिन्ता व्यक्त गरिएको थियो। यस वर्ष पनि अमेरिकाले रसियालाई अमेरिकाको उपग्रह नजिकै एउटा उपग्रह राखेको आरोप लगाएको छ।

पछिल्लो घटनाक्रमका बारेमा युएस स्पेस कमान्डका प्रमुख जनरल जे. रेमंडले भनेका छन् कि "रुसले अन्तरिक्षमा उपग्रह विरोधी हतियारको परीक्षण गरेको प्रमाण छ।" जनरल रेमन्डका अनुसार रुसले उपग्रहमा अर्बिटमा एउटा नयाँ चीज ल्याएको छ।

उनले भने, "अन्तरिक्षमा आधारित रक्षा प्रणालीको विकास र परीक्षण गर्न रुसको निरन्तर प्रयासको यो अर्को प्रमाण हो। र, रुसले अन्तरिक्षमा अमेरिका र यसका सहयोगीहरूलाई जोखिममा पार्न हतियारको प्रयोग गरेको छ।"