भत्ताकै लागि परीक्षा बोर्डका पदाधिकारी र कर्मचारी महिनामा २२ पटकसम्म बैठक

आजको अन्नपूर्ण पोस्ट् दैनिकबाट
सोमबार, १२ साउन २०७७

काठमाडौं । सरकारी कार्यालयमा भत्ता खान कार्यालय समयभन्दा अघि–पछि बैठक बस्ने गरेको पाइएको छ । राष्ट्रिय परीक्षा बोर्डका पदाधिकारी र कर्मचारी महिनामा २२ पटकसम्म बैठक बसेका छन् ।

यसरी बोर्डले एक वर्षमा ४३ लाख ८५ हजार रुपैयाँ खर्च गरेको छ । कार्यालय समयमा सम्पन्न गर्न सकिने विषयमा पनि छुट्टै बैठक बस्दा अनावश्यक आर्थिक बोझ थपिएको छ ।

महालेखापरीक्षकको कार्यालयले आफ्नो ५७औँ प्रतिवेदनमार्फत बैठकको संख्या घटाउँदै आर्थिक मितव्ययिता अपनाउन सुझाव दिएको छ ।