पुतलीसडकस्थित स्टाण्डर्ड कन्सल्टेन्सीमा आगोलागी

आर्थिकन्यूज
सोमबार, २६ साउन २०७७

काठमाडौं । काठमाडौंको पुतलीसडकस्थित स्टाण्डर्ड कन्सल्टेन्सीमा आगोलागी भएको छ । पुतलीसडक शेयर मार्केट्सबाट उत्तरतर्फ रहेको गणगौर मिठाई पसल रहेको भवनको माथिल्लो तल्लामा आगो लागेको हो । जुद्ध बारुण यन्त्र, बसन्तपुर दमकलका सहायक कमाण्डर नरेश राज कुँवरले ३ः१५ मा आगो नियन्त्रणमा लिएर आफूहरू त्यसस्थानबाट फर्किएको बताए ।

आगोलागीबाट सामान्य क्षति भएको छ । आगोलागीबाट कन्सल्टेन्सीका फर्चिनर लगायतका भौतिक सम्पत्ति जलेर नष्ट भएको छन् । घटनामा भएको क्षति विवरण लिने काम भइरहेको छ ।