एजेन्सी। विश्वका प्रमुख मुद्राहरुको तुलनामा अमेरिकी डलर कमजोर बनेको छ। यो कमजोरीका कारण कच्चा तेल किन्ने देशहरूले सस्तोमा तेल पाउन थालेका छन्। अमेरिकाको उर्जा सूचना प्रशासन (ईआईए) ले शुक्रवार यस्तो जानकारी दिएको हो।

कच्चा तेल अमेरिकी डलरमा या सुनको भुक्तानीमा मात्र कारोबार हुन्छ, जसका कारण तेल सस्तो भइरहेको छ। ती देशहरूका लागि यो सही समय भएको छ जसको मुद्रा डलरको बिरूद्ध मजबुत बनेको छ। युरोजोनका देशहरू पनि यसमा समावेश छन्। ती मध्ये धेरै देश कच्चा तेल आयात गर्दछन्। जुन १ र अगस्त १२ बीचमा ब्रेन्ट कच्चा तेलको मूल्य १९ प्रतिशतले बढेको छ।

तर ईआईएको अनुमानका अनुसार डलरको बिरूद्ध युरोको मूल्यमा भएको वृद्धिले यो वृद्धि १२ प्रतिशत मात्र भएको छ। विगत केही महिनादेखि ब्रेन्ट कच्चा तेलको मूल्य र डलरको मूल्य विपक्षी दिशामा बढ्दै गएको छ।

जबकि ब्रेन्ट कच्चा तेल महँगो हुँदै गइरहेको छ, विश्वव्यापी मुद्राको तुलनामा डलर कमजोर हुँदैछ।  महामारीको प्रभावका कारण हालका हप्ताहरूमा कच्चा तेलको विश्वव्यापी माग घट्ने अनुमान गरिएको छ।

कमजोर अमेरिकी डलरको अर्थ तेल खरीद गर्ने देशहरूमा तेल सस्तो हुँदै गइरहेका छन्। यस हप्ता ईआईएको सूची रिपोर्ट अनुसार अगस्ट सम्म हप्तामा ४५   लाख ब्यारल कच्चा तेल निकालिएको छ। यसैगरी सूचीबाट सात लाख ब्यारल पेट्रोल र २३ लाख ब्यारल डिस्टिलेट ईन्धन घटाइएको छ।

यसले गर्दा तेलको मुल्य बढाएको छ। तेलको यो अभावले तेलको मूल्य थोरै बढ्यो, तर अन्तर्राष्ट्रिय उर्जा एजेन्सी र ओपेकले यस वर्ष तेलको खपत अनुमान कम गरेको छ।