सीताराम हाछेथु अब ललितपुर महानगरको कमाण्डर

आर्थिकन्यूज
सोमबार, १५ भदौ २०७७

काठमाडौं । ललितपुर महानगरपालिकाले ट्राफिक प्रहरीका पूर्वनिरीक्षक सीताराम हाछेथु नगर प्रहरी प्रमुखमा नियुक्त गरेको छ । हाछेथुलाई नगर प्रहरी र दमकललाई व्यवस्थित गर्ने जिम्मेवारीसहित महानगरले आइतबार नियुक्त गरेको हो ।

महानगरभित्रको ट्राफिक व्यवस्थापन गर्दै महानगरले तयार पारेको महानगरस्तरीय ट्राफिक व्यवस्थापन सम्बन्धित योजना कार्यान्वयन गर्न विज्ञका रुपमा हाछेथुले भूमिका खेल्ने ललितपुर महानगरपालिकाका प्रमुख चिरिबाबु महर्जनले बताए ।