११८ जना कैदीबन्दीलाई कोरोना, ४९ निको भए, एक जनाको मृत्यु

आर्थिकन्यूज
शुक्रबार, १९ भदौ २०७७

काठमाडौं । अहिलेसम्म देशभरीका जेलमा रहेका ११८ जना कैदीबन्दीमा कोरोना पोजेभिट देखिएको गृह मन्त्रालयले जनाएको छ । ४९ जना निको भएका छन भने ६९ जना उपचार गराइरहेका छन । एक जनाको मृत्यु भइसकेको छ ।

गृह मन्त्रालयले जारी गरेको विज्ञप्तिमा विश्वभरी फैलिएको कोरोना महामारीका कारण नेपालका अधिकांश जिल्लामा संक्रमण देखिएको र कैदीबन्दीहरुमा पनि संक्रामण फैलिएकाले यसका रोकथामका लागि थप योजना बनाउने बताएको छ ।

गृहमन्त्रालयले प्रहरी प्रधानकार्यालय कारागार व्यावस्थापन विभाग मार्फत सबै कारागार र प्रमुख जिल्ला अधिकारीलाई संक्रमण फैलिन नदिन थप प्रभावकारी कार्यान्वयन गर्न निर्देशन दिएको छ ।