युवराज खतिवडा सहित तीनजना प्रस्तावित राजदूत विरुद्ध उजुरी दिन आह्वान

आर्थिकन्यूज
बुधबार, २१ असोज २०७७

काठमाडौं । सरकारद्वारा अमेरिका, दक्षिण अफ्रिका र बेलायतका लागि प्रस्ताव गरिएका तीन जना विरुद्ध उजुरी दिन संघीय संसदको संसदीय सुनुवाई समितिले आह्वान गरेको छ ।

सरकारले असोज १६ गते पूर्वअर्थमन्त्री तथा प्रधानमन्त्रीका विषेश आर्थिक सल्लाहकार डा. युवराज खतिवडा अमेरिका, निवर्तमान मुख्यसचिव लोकदर्शन रेग्मी बेलायत र डा. निर्मलकुमार विश्वकर्मालाई दक्षिण अफ्रिकाका लागि नेपाली राजदूतमा सिफारिस गरेको थियो ।

तीनै जनाले सघीय संसदको सुनुवाइ समितिले अनुमोदन गर्न पर्ने संवैधानिक व्यवस्था छ । तीनै जनाविरुद्ध उजुरी दिन १० दिनको समय दिएर बुधबार बसेको समितिको बैठकलेृ सूचना प्रकाशित गरेको छ ।