लोकसेवाको विज्ञापन रद्द गर्न राज्य व्यवस्था समितिको निर्देशन

स्थानीय तहमा कर्मचारी भर्ना विवाद

लोकसेवाको विज्ञापन रद्द गर्न राज्य व्यवस्था समितिको निर्देशन

आर्थिकन्यूज
सोमबार, २७ जेठ २०७६

काठमाडौं । प्रतिनिधिसभाको राज्य व्यवस्था समितिले लोक सेवा आयोगलाई स्थानीय तहका निम्ति कर्मचारी माग गर्दै आह्वान गरिएको विज्ञापन रद्द गर्न निर्देशन दिएको छ । समितिको आज बसेको बैठकले सो निर्देशन दिएको हो ।

९ हजारजना भन्दा बढी कर्मचारी माग गर्दै प्रकाशित गरिएको विज्ञापन समावेशी नभएको भन्दै सांसद र तथा विद्यार्थीहरुले विरोध गर्दै आएका छन् । यता सो विज्ञापनअनुसार दर्खास्त हाल्नेको संख्या पनि उच्च रहेको छ ।

आयोग स्रोतका अनुसार ७० हजारभन्दा बढीले दर्खास्त दिएका छन् । आज राज्य व्यवस्था समितिले संघीय मामिला तथा स्थानीय विकासमन्त्री लालबााबु पण्डितसँग छलफल गरेको थियो ।