ललितपुरमा जीपले ठक्कर दिँदा एकको मृत्यु

आर्थिकन्यूज
विहीबार, ०६ कार्तिक २०७७

काठमाडौं । ललितपुरको बालकुमारी पुलमा सामान बोक्ने गाडीको ठक्करबाट एक जनाको मृत्यु भएको छ । कोटेश्वरबाट ललितपुरतर्फ गइरहेको बा १२ च ४२२८ नम्बरको बोलेरो गाडीले आज बिहान ५ बजे ठक्कर दिँदा ललितपुर इमाडोलका ७८ वर्षीय बाबुकाजी श्रेष्ठको मृत्यु भएको हो ।

ठक्कर दिएर भागेको जीपलाई प्रहरीले कालोपुलबाट नियन्त्रणमा लिएको र फरार भएका चालकको खोजी भएको प्रहरीले जनाएको छ ।