अब तरकारी मज्जाले खानुहोस् !

आर्थिकन्यूज
आइतबार, ०८ असार २०७६

काठमाडौं । भारतीय चुनावताका अस्वाभाविक रुपमा बढेको तरकारीको भाउँ घट्न थालेको छ । बैशाख दोस्रो सातादेखि जेठ तेस्रो सातासम्म कतिपय तरकारीको मूल्य चार गुणासम्मले बढेकोमा अहिले आएर अधिकांश तरकारीको मूल्य करेक्सन भएको हो ।

गत सातायता मात्र गोलभेंडा, बोडी, भण्टा, परवर, काउलीलगायतका तरकारीको मूल्य घटेको छ । अन्य तरकारीको मूल्यमा पनि झिनो अन्तर देखिन्छ ।

भारतीय चुनावताकाको तुलनामा भने अधिकांश तरकारीको मूल्य घटेको छ । तरकारी आपूर्ति कम हुने समयमै चुनावका कारण भारतबाट तरकारी आवागमनमा अवरोध हुँदा मूल्य आकासिएको थियो । कारोबार दैनिकमा समाचार छ ।