एजेन्सी । ताइवानमा चार दशक यता भएको सबैभन्दा खतरनाक दुर्घटनामा ४१ जनाको मृत्यु भएको छ । अन्तराष्ट्रिय सञ्चार माध्यमहरुका उल्लेख भएअनुसार सुरुङ भित्र रेल दुर्घटना हुँदा ७२ जना घाइते समेत भएका छन् । यो संख्या अझै बढ्न सक्ने जनाइएको छ । 

तिव्रगतिमा रहेको रेल एउटा ट्रकसंग ठोकिएपछि लिकबाट बाहिर निस्किएको थियो । स्थानिय अधिकारीहरुलाई उल्लेख गर्दै समाचारमा भनिएको छ, अझै चार वटा रेलका डब्बा सुरुङ भित्र नै छन् । जसमा दुई सय जना भनदा बढी मानिसहरु फसेका छन् । यी चार वटै डब्बा नराम्ररी क्षतिग्रस्त बनेका छन् । 

यो रेल ताइवानको राजधानि ताइपेबाट ताइसुङ सहरतर्फ गइरहेको थियो । त्यहाँको एक लोकप्रिय चाड मनाउनका लागि घर गइरहेका मानिसहरु त्यसमा परेका हुन् । । बिहान ९ बजे यो रेल दुर्घटनामा परेको हो । जसमा ५ सय जना यात्री रहेका थिए ।