काठमाडौँ। विश्वको सर्वाधिक ठुलो अर्थतन्त्र भएको मुलुक अमेरिकाको सबैजसो आर्थिक धरोहरहरू महिलाले नेतृत्व गरेका छन्। त्यति मात्र होइन राष्ट्रपति जो बाइडेनको आर्थिक सल्लाहकारको समूहमा समेत अधिकांश महिला नै छन्।  

त्यहाँको सरकारी कोष प्रमुख सचिव जेनेट येलेन, वाणिज्य सचिव जीना राइमन्डो र व्यापार जार क्याथरिन ताई सबै ती महिलाहरू हुन् जसले अमेरिकी अर्थव्यवस्था चलाउन सहयोग गर्छन्। मानिसहरूले अमेरिकी आर्थिक नीतिमा महिलाहरूको उपस्थितिको प्रभाव समेत देखिन थालेको टिप्पणी गरिरहेका छन्। उदाहरणको रूपमा बाइडेनको २.३ बिलियन डलरको खर्च योजनामा बच्चा तथा वृद्धको लागी हेरचाह गर्ने रोजगारी सिर्जना गर्नको लागि ४०० डलर खर्चने योजना बनाइएको छ।  

यसलाई पुष्टि गर्दै ट्रेजरी सेक्रेटरी जेनेट येलेनले मानव पूर्वाधारमा ध्यान केन्द्रित गरेको बताएकी छिन। येलेनले ट्विटरमा लेखेकी छिन् : अन्तमा, यो विधेयकले ८०  वर्षको इतिहास बनाएको हुन सक्छ: यसले संरचनात्मक समस्याहरू सुल्झाउने काम गर्दछ जुन विगत चार दशकहरूदेखि हाम्रो अर्थव्यवस्थालाई पिरोलिरहेको छ। यो हाम्रो लागि सुरुवात हो। ”

हार्वर्ड बिजनेस स्कुलका प्राध्यापक रेबेका हेंडरसनले महिलाले नीतिमा ताजा परिवर्तन ल्याउन सक्ने भनेकी छिन् : "जब तपाईँ समूहको बाँकी भन्दा फरक हुनुहुन्छ, तपाईँ प्राय: चीजहरू भिन्नै देख्नुहुन्छ। तपाईँका सामुन्ने विभिन्न समाधानहरू अझ खुल्ला हुन्छन्। हामी विशाल सङ्कटको क्षणमा छौँ। हामीलाई सोच्ने नयाँ तरिकाहरू चाहिन्छ। ”

हाल विभिन्न १६ मुलुकमा महिलाले अर्थ मन्त्रालय सम्हालिरहेका छन्। विश्वका १४ वटा केन्द्रीय बैङ्कहरू पनि महिलाले नै नेतृत्व गरेको रिपोर्ट रोयटर्सले हालै सार्वजनिक गरेको छ।

आईएमएफका जर्जिएभाले जनवरीमा नै भनेका थिए, “जब महिलाहरू संलग्न हुन्छन्, प्रमाणहरू स्पष्ट हुन्छन्। समुदायहरू उत्तम हुन्छन्, अर्थव्यवस्थाहरू उत्तम हुन्छन्, विश्व उत्तम हुन्छ। महिलाहरूले ठुला नेताहरू बनाउँदछन् किनकि हामी सहानुभूति देखाउँदछौँ र सबैभन्दा कमजोर व्यक्तिहरूको लागि बोल्दछौँ। महिला निर्णायक छन् र महिलाहरू सम्झौता पाउन अझ इच्छुक हुन सक्छन्। "

यहाँसम्म कि अमेरिकी मनोवैज्ञानिक सङ्घद्वारा गरिएको एक नयाँ अध्ययनले देखाए अनुसार महिलाहरूले चलाएको अमेरिकाका राज्यहरूमा कोभिड १९ बाट हुने मृत्यु समेत कम भएको थियो।

यसको बाबजुद  वित्तीय संस्थाहरूमा महिलाहरू केवल २% सीईओका रूपमा र कार्यकारी बोर्ड सदस्यको रूपमा २०% भन्दा कम छन्। आईएमएफका अनुसार महिलाहरूले चलाउने संस्थाले बढी वित्तीय लचिलोपन र स्थिरता देखाउँदछ।