एजेन्सी। उत्तर कोरियाले अमेरिकालाई उसले अत्यन्त गम्भीर अवस्थाको सामना गर्नुपर्ने चेतावनी दिएको छ।  उत्तर कोरियाले अमेरिकी राष्ट्रपति जो वाइडेनले "ठुलो गल्ती" गरेको आरोप लगाएको छ ।

अमेरिकी राष्ट्रपतिले उत्तर कोरिया र यसको आणविक कार्यक्रमसम्बन्धी आफ्नो रणनीति घोषणा गर्न लागेका बेला उत्तर कोरियाले यस्तो चेतावनी दिएको हो। 

उत्तर कोरियाको विदेश मन्त्रालयले जारी गरेको विज्ञप्तिमा भनिएको छ कि वाइडेनले आफ्नो पछिल्लो भाषणमा उत्तर कोरियालाई सुरक्षाको लागि ठुलो खतराको रूपमा चित्रित गरेको छ। यसको अर्थ वाइडेनले पनि आउँदो समयमा उत्तर कोरिया विरुद्ध 'शत्रुतापूर्ण नीति' अपनाउनेछ।

आइतबार, उत्तर कोरियाको विदेश मन्त्रालयको एक विज्ञप्ति आधिकारिक मिडियामा चलाइएको थियो जसमा वाइडेनको बयानलाई असहनीय र "ठुलो गल्ती" भनेर वर्णन गरिएको थियो।

यस हप्ताको सुरुमा राष्ट्रपति वाइडेनले उत्तर कोरियाको आणविक कार्यक्रमलाई विश्वव्यापी सुरक्षाका लागि गम्भीर खतरा भएको बताएका थिए । व्हाइट हाउसका प्रवक्ता जेन सासाकीले शुक्रवार भने, "अमेरिकी नीति समीक्षा बैठक सकियो र अमेरिकाले उत्तर कोरियाको आणविक योजना रोक्न असफल भएपछि राष्ट्रपति वाइडेनले अघिल्लो प्रशासनबाट सिकेका छन्।" 

उनले अगाडी थपेका छन्, "हाम्रो नीति अब सम्झौतामा केन्द्रित हुनेछ रणनीतिक धैर्यमा होइन। अमेरिकाले अब व्यावहारिक दृष्टिकोण अपनाउनेछ र आफ्नो र यसका सहयोगीहरूको सुरक्षा बढाउँदै उत्तर कोरियासँग कूटनीतिक सम्बन्धको सम्भावनाहरूको अन्वेषण गर्नेछ। '

आफ्नो कार्यकालको १०० दिनको अवसरमा वाइडेनले काँग्रेसको संयुक्त अधिवेशनमा भनेका थिए "उत्तर कोरिया र इरानको आणविक योजनाहरूले अमेरिका र सम्पूर्ण विश्वको सुरक्षालाई गम्भीर खतरामा पार्छ"।

उनले यो पनि भने कि "हामी यो देशसँग सम्बद्ध देशहरूसँग मिलेर यस खतरासँग जुझ्न कूटनीति र कडा निन्दाको प्रयोग गर्नेछौँ"।

जो वाइडेनले चुनाव प्रचारको क्रममा किम जोंग उनलाई 'ठग' भने। पछि, जब बिडेन विजयी भए, किम जोंगले एक भाषणमा अमेरिकालाई 'सबैभन्दा खराब शत्रु' भनेर वर्णन गरे।

राजधानी प्योंगयांगमा सत्तारुढ वर्कर्स पार्टीको एक महत्त्वपूर्ण बैठकलाई सम्बोधन गर्दै किम जोंग उनले भने कि संयुक्त राज्य अमेरिकाका नवनिर्वाचित राष्ट्रपति जो वाइडेनका लागि यो निश्चित नै चुनौती हो, जसले केही दिन पछि डोनाल्ड ट्रम्पको ठाउँ लिनेछन्। साथसाथै उनले अझ उन्नत आणविक हतियारहरूको आवश्यकतालाई पनि जोड दिएका थिए।

पूर्व अमेरिकी राष्ट्रपति डोनाल्ड ट्रम्प पहिलो राष्ट्रपति थिए जसले किम जोग-उनलाई तीन पटक भेटे तर आणविक योजना र प्रतिबन्ध सम्बन्धी कुनै सम्झौता गर्न भने असफल रहे।