कर तिर्ने समय थपियो, थपेको समयमा कर नतिरे जरिवना लाग्ने

आजको कान्तिपुर दैनिकबाट
विहीबार, ०३ असार २०७८

काठमाडौं । सरकारले व्यवसायीलाई कर तिर्ने समय थपेको छ । असार २५ सम्म कर तिर्ने म्याद थपिएको आन्तरिक राजस्व विभागले बुधबार जारी गरेको सूचनामा उल्लेख छ ।

कोभिडको संक्रमण रोक्न विभिन्न जिल्लामा जारी निषेधाज्ञाका कारण तोकिएको समयमा कर बुझाउन नसक्ने करदातामा पर्न गएको कठिनाइलाई दृष्टिगत गरी म्याद थपिएको जनाइएको छ । थपिएको समयमा चैत र वैशाख महिनाको कर बुझाउन सकिनेछ ।