एजेन्सी। अस्ट्रेलियाले चीनसँग चलिरहेको व्यापार युद्धलाई  झेलिरहेको छ। अस्ट्रेलियाले चीनका उत्पादनमा लगाएको करको वृद्धिको जवाफमा चीनले अस्ट्रेलियामा उत्पादित वाइनको भन्सार दरलाई अत्यधिक बढाएको छ। 

फलस्वरूप अब त्यहाँ वाइनको मूल्य तीन गुणा सम्मले बढ्ने भएको छ। जसले गर्दा अस्ट्रेलियाको सबैभन्दा ठुलो निर्यात बजारलाई असर गर्ने देखिन्छ।

यस्तो अवस्था आएपछि अस्ट्रेलिया सरकारले विश्व व्यापार सङ्गठनसँग औपचारिक रूपमा गुनासो पेस गरिरहेको छ।  विशेष गरी अस्ट्रेलियाको मदिरामा एन्टि-डम्पिङ भन्सार कर लगाएकोमा उसले आपत्ति जनाएको हो। 

अस्ट्रेलियाले शनिवार गरेको घोषणाले अर्को यी दुई देश बिचको द्वन्द्व अझ वृद्धि हर्ने सङ्केत गरेको छ। त्यहाँका व्यापार, पर्यटन र लगानी मन्त्री डान तेहानले कृषि मन्त्री डेभिड लिटल प्राउडसँगै भनेका थिए: "सरकारले मतभेद समाधान गर्न डब्ल्यूटीओमा स्थापित प्रणाली प्रयोग गरी अस्ट्रेलियाली मदिरा उत्पादकहरूको हितको दृढतापूर्वक रक्षा गरिरहनेछ। "

क्यानबेराले भने कि यो निर्णय "अस्ट्रेलियाका वाइनमेकरसँगको व्यापक परामर्श पछि" आएको हो।  उनले थपे कि "अस्ट्रेलिया यस मुद्दालाई सुल्झाउन चीनको साथ प्रत्यक्ष छलफल गर्न पनि तयार छ।"

तेहानले सार्वजनिक रूपमा अगाडि भने: "हामीले सधैँ भनेका छौँ कि यी व्यापारिक विवादहरूको सामना गर्दा हामीले धेरै नै सैद्धान्तिक दृष्टिकोण अपनाउनेछौँ, र यदि हामी सोच्छौँ कि हाम्रो उद्योगलाई नोक्सान वा चोट लागेको छ भने त्यसलाई सम्बोधन गर्न हामी सबै आवश्यक कदमहरू चाल्ने प्रयास गर्नेछौँ।"

गत वर्ष क्यानबेराले चलिरहेको कोभिड १९ महामारीको छानबिन गर्न थालेपछि हालको तनाव उत्पन्न भएको थियो। अब पश्चिमी मित्र राष्ट्रहरूका बिचमा वुहानको प्रयोगशालाहरूको छानबिनको आह्वानले पक्कै पनि चीनलाई चिन्तित बनाएको छ। यस मागले अस्ट्रेलियामा रहेका चिनियाँ कूटनीतिज्ञहरूले चिनियाँ कम्पनीहरूलाई अस्ट्रेलियाली सामान जवर्जस्ती किनाउने प्रयासको रूपमा बुझेका छन्।

डब्ल्यूटीओमा शनिवारको गुनासो गत वर्ष विश्वव्यापी व्यापार विवादको बेला चीनले अस्ट्रेलियाली जौको आयातमा ठाडो शुल्क लगाउने निर्णय गरेका सम्बन्धमा गरेको औपचारिक अपिलको निरन्तरता हो।

अस्ट्रेलियाले समुद्री खानादेखि कोइला, जौ, मासुसम्मका पर्यटन क्षेत्र र पर्यटन क्षेत्र लगायतका बस्तुका अलावा काठ जस्ता अन्य वस्तुहरूलाई चीनमा बेच्न गाह्रो पर्दै छ ।

क्यानबेराले बेइजिङसँग वार्ता पुनः सुरु गर्न "तत्परता" देखाउँदै पटक पटक कुरा गरेको छ। तर, खासै सफलता हासिल हुन सकेको छैन। पछिल्लो पटक  विशेष गरी अमेरिकाले बोलवाला रहेको जी ७ शिखर सम्मेलनमा चीनको प्रभावलाई नियन्त्रण गर्न सबै मुलुक एक भएपछि चीन अस्ट्रेलियासँग पनि अझै धेरै रिसाएको छ।