एजेन्सी। अमेरिकाको खाद्य र औषधि प्रशासन (एफडीए) ले कोरोना विरुद्धका मोर्डना र फाइजर खोपहरूको बारेमा जानकारी दिँदै त्यसको साइड इफेक्टको रूपमा मुटु दुख्ने र सुन्निने खतरा हुनसक्ने चेतावनी दिएको छ।

एफडीएले यस महिनाको सुरुमा रोग नियन्त्रण तथा रोकथाम केन्द्र (सीडीसी) द्वारा रिपोर्ट गरेपछि यो बारेमा थप चेतावनी दिने घोषणा गरेको थियो। अहिले खोपका कारण मुटु सुन्निएका धेरै घटनाहरू जसलाई  मायोकार्डिटिस वा पेरिकार्डिटिस  भनिन्छ त्यो देखा परेका छन्। यस्तो धेरैजसो युवा र बच्चाहरूमा देखिएको छ। 

विशेष गरी एनआरएनए प्रविधिको प्रयोग गर्दै विकसित गरिएका खोपले यस्तो खालका समस्या उत्पन्न गरेको संचारमाध्यमहरुले समाचार बनाउँदै आएका छन्। केही समय अघि विश्वका प्रख्यात ५७ जना चिकित्सक र जन स्वास्थ्यविद्हरुले संयुक्त रूपमा एक अध्ययन रिपोर्ट सार्वजनिक गर्दै हाल विकसित र प्रयोगमा समेत आइसकेका खोपहरू वास्तवमा नै निकै खतरनाक हुनसक्ने चेतावनी दिएका थिए।

उनीहरूले विश्वका ठुला स्वास्थ्य निकाय, अन्तर्राष्ट्रिय संस्था र सरकार प्रमुख तथा नेताहरूलाई खोप अभियान तुरुन्त रोक्न र यसबारे थप अध्ययन गर्न सुझाव समेत दिएका थिए। तर, उनीहरूको त्यो आवाजलाई कसैले सुनेन।  न त विश्वका ठुला सञ्चार माध्यमले नै त्यो महत्त्वपूर्ण चेतावनीलाई सार्वजनिक गरे।   

हालै जुन २५ मा एफडीएले भन्यो कि यसले आफ्ना बिरामी र कोभिड खोप सम्बन्धी तथ्य उल्लेख गरिएको पृष्ठमा संशोधन गर्ने छ। मोर्डना र फाइजरको खोप लगाएपछि मायोकार्डिटिस (हृदयको मांसपेशीको सुन्निने) र पेरिकार्डिटिस (मुटुको वरपरको भाग फुल्ने) को खतराको बारेमा उल्लेख गर्ने बताएको छ।  मोर्डना र फाइजर खोपहरूले एनआरएनए प्रविधि प्रयोग गर्दछ जसको दुई खुराक चाहिन्छ। जबकि जोनसन एण्ड जोनसनले बनाएको खोपले एक एडेनोभायरस प्रयोग गर्दछ र यसको एक खोप्ने काफी हुन्छ।

अझै पनि स्वास्थ्य अधिकारीहरूले भनेका छन् कि मुटु सुन्निने जोखिम भन्दा यो खोपका फाइदाहरूबाट बढी छन्।

“खोप लगाइएको सङ्ख्याको आधारमा मायोकार्डिटिस र पेरीकार्डिटिसको जोखिम एकदम कम देखिन्छ,” एफडीएका कार्यवाहक आयुक्त जेनेट वुडकोकले गत हप्ता एक विज्ञप्तिमा भनेका थिए, "खोपका फाइदाहरू जोखिमहरू भन्दा बढी छन्, रोगहरूको सम्भावित जोखिम र सम्बन्धित, सम्भावित गम्भीरता र जटिलताहरूलाई हेर्दा यस्तो देखिन्छ।"

एफडीएले जारी गरेको चेतावनीमा यसो भनिएको छ कि "विशेष गरी दोस्रो डोज पछाडि र खोपको केही दिन पछि लक्षणहरू देखा पर्दा" जोखिम बढ्न सक्छ।

थप रूपमा यी खोपहरू लगाएका र उनीहरूको स्याहारकर्ताहरूका अनुभवको आधारमा तयार पारिएका तथ्य पानाहरूमा लेखिएको छ, "खोप लिनेहरूले छाती दुख्ने, सास फेर्न गाह्रो हुने वा खोप लिए पछि धड्कन बढ्ने, बडबड गर्ने, वा मुटुको हड्डी दुखेको महसुस गरेको खण्डमा चिकित्सकको ध्यान खोज्नु पर्दछ, " एजेन्सीले भन्यो। 

गत हप्ता सीडीसीले गरेको पछिल्लो सर्वेक्षणले देखाए अनुसार ३० वर्ष वा माथि उमेर भएका व्यक्तिहरूमा पेरीकार्डिटिस वा मायोकार्डिटिसका १,२०० भन्दा बढी घटनाहरू भएको छ।

उता ५७ जना प्रमुख वैज्ञानिक, चिकित्सक र नीति विज्ञहरूको समूहले हालको  खोपहरूको सुरक्षा र प्रभावकारितामाथि प्रश्न उठाउँदै एक प्रतिवेदन जारी गरेको छ। अब सबै खोप कार्यक्रमहरू तुरुन्त बन्द गर्न त्यसमा आह्वान गरिएको छ। 

कोभिड-१९ भ्याक्सिनहरूको विश्वव्यापी वितरणको बारेमा दुई निश्चितताहरू छन्। पहिलो, यो हो कि सरकारहरू र मूलधारका मिडियाको बहुमतले यी सबै प्रयोगात्मक औषधीहरू सकेसम्म बढी मानिसहरूलाई प्राप्त गर्न आफ्नो सम्पूर्ण शक्तिसँग जोड दिइरहेका छन्। दोस्रो, जो खोपको बारेमा गम्भीर प्रश्नहरू उठान गर्न र त्यसबारेको सत्य फैलाउने काममा लागेका छन् त्यस्तालाई निस्तेज पार्ने काम भइरहेको छ। 

कोभिड-१९ भ्याक्सिनहरूको सुरक्षा, प्रभावकारिता र आवश्यकताको बारेमा अझै धेरै अनुत्तरित प्रश्नहरू छन्। यो अध्ययन एक बिगुल हो जुन सबैले सुन्नु पर्दछ। भ्याक्सिनहरूका बारेमा उनीहरूको विचारलाई ध्यान दिएर पढ्ने हो भने धेरै प्रश्नहरू सोध्ने सकिन्छ। विश्वभरका धेरै व्यक्तिहरू केवल  सरकारहरूको आदेशहरू पालन गर्छन् मानौँ कि तिनीहरूले हाम्रो पूरा विश्वास कमाइसकेका छन्। वास्तवमा सरकारहरूले नागरिकको विश्वास कमाइसकेका छैनन्। त्यसैले प्रश्न गर्नु पर्छ। 

यो पनि पढ्नुहोस् : यो हो कोरोना कालमा पैसा कमाउन गरिएको सर्वाधिक गम्भीर अपराध