त्रिशूलीमा ट्रक खस्यो, २ जनाको मृत्यु

आर्थिकन्यूज
शुक्रबार, २० असार २०७६

चितवन । त्रिशूलीमा ट्रक खस्दा दुइृ जनाको मृत्यु भएको छ । शुक्रबार बिहान ५ः४५ बजे मुग्लिनबाट काठमाडौँ जाँदै गरेको ना ७ ख ६७६५ नम्बरको इँटा बोकेको ट्रक पृथ्वीराजमार्गअन्तर्गत चितवनको इच्छाकामना–३ चुम्लिङटार नजिकैबाट त्रिशूली नदीमा खस्दा दुई जनाको घटनास्थलमै मृत्यु भएको हो ।

दुर्घटनामा एक जना घाइते भएका छन् । घाइतेको उद्धार गरी उपचारका लागि भरतपुर पठाइएको इलाका प्रहरी कार्यालय मुग्लिनले जनाएको छ ।

घाइते र मृतक दुवैको परिचय खुल्न नसकेको प्रहरीले जनाएको छ । ट्रक के कसरी खस्यो भन्नेबारे खुल्न सकेको छैन् । घटनाबारे थप विवरण आउन बाँकी छ ।