बबरमहलमा ट्याक्सीको ठक्करबाट एक जनाको मृत्यु

आर्थिकन्यूज
शनिबार, २१ असार २०७६

काठमाडौं । बबरमहलमा ट्याक्सीले स्कूटरलाई ठक्कर दिँदा स्कुटर पछाडि बसेका एकजनाको मृत्यु भएको छ ।

आज बिहान २ बजेतिर बा २ ज ११८८ नम्बरको ट्याक्सीले बा ८३ प ४०३५ नम्बरको स्कूटरलाई ठक्कर दिँदा स्कुटर पछाडि बसेका ओखलढुंगाका दीपक थापाको घटनास्थलमै ज्यान गएको प्रहरीले जनाएको छ ।

घाइते भएका स्कूटर चालक काभ्रे पनौती–१०, का २२ वर्षीय रोहितसिंह ठकुरीको भने अन्नपूर्ण न्यूरो अस्पतालमा उपचार भइरहेको छ । घटनाको थप अनुसन्धान भइरहेको प्रहरीले जनाएको छ ।