एजेन्सी। बलिउडको पछिल्लो चर्चित जोडीका पुरुष सदस्य अर्जुन कपुर हालै  मिडिया रिपोर्टको एक हेडलाइनबाट धेरै नै रिसाए । त्यो समाचारको शीर्षकमा नै  उनकी पार्टनर मलाइका अरोराको आय स्रोत माथि प्रश्न उठाइएको थियो । अर्जुन कपूरलाई यो कुरा मन परेन र उनले शनिवार साँझ यसको जवाफमा एउटा पोस्ट सार्वजनिक गरे। 

अर्जुन कपूर र मलाइका अरोराको अफेयरको चर्चा जताततै भइरहेछ। दुवै लामो समयदेखि सँगै छन् तर आफ्नो सम्बन्धलाई यथासम्भव निजी र गोप्य नै राख्दै आएका छन्। जे होस्, उनीहरू बिचको प्रेमको मामलाहरू मिडियाबाट लुकेका छैनन्। अर्जुन र मलाइका एक अर्काको बारेमा कम कुरा गर्छन्। उनीहरू सामाजिक सञ्जालमा पनि कमै मात्र देखा पर्छन्। तर, अझै पनि उनीहरू दुवैको माया बढ्दो क्रममा रहेको देखिन्छ।

हालैमा यिनीहरू दुवैको सम्पत्तिको बारेमा केही समाचारहरू प्रकाशित भएका थिए। जसमा यो भनिएको थियो कि मलाइका अरोरा अर्जुन कपूर भन्दा धेरै कमाउँछिन्। रिपोर्टका अनुसार मलाइका अरोराको कुल कमाई १ अर्ब छ। उनी फिल्महरूमा एउटा आइटम डान्स गर्न १ करोड ७५ लाख भारतीय रुपैयाँ लिन्छिन्। 

यस बाहेक उनलाई रियालिटी शोहरुमा जज बन्ने मौका पनि दिइन्छ। मलाइकाको तुलनामा अर्जुन कपूरको कुल कमाई ८८ करोड मात्र छ।त्यसैले मिडियाको हेडलाइन अर्जुन कपूरलाई मन परेन। त्यसैले अर्जुनले लेखेका छन्, '२०२१ मा यस्तो हेडलाइन पढ्नु दु:खद र लाजमर्दो छ। निस्सन्देह, उनी राम्रो कमाउँछिन् र जहाँ उनी वर्षौँदेखि यसमा छिन्। त्यहाँ सम्म पुग्न कडा मेहनत गरिएको छ, जो कसैसँग तुलना गर्नु हुँदैन, मसँग पनि गर्न मिल्दैन।'

अर्जुन कपूरले पछि यो पोस्ट मेटाए। मलाइका अरोरा वर्षौँदेखि फिल्म उद्योगको एक हिस्सा जस्तै भएकी छिन। उनले एक अभिनेता, निर्माता र अब एक टेलिभिजन होस्ट र जजको रूपमा काम गरेकी छन्। हिन्दुस्तान टाइम्सको एक साक्षात्कारमा अर्जुन कपूरले आफूले मलाइका अरोरालाई सम्मान गर्ने बताएका थिए।

उनले भनेका थिए, 'उनले २० बर्षको उमेरदेखि आ सम्म आफ्नो जीवन बिताइरहेकी छिन् र उनी आफ्नो व्यक्तित्वको साथ एक स्वतन्त्र महिला छिन्। मैले उनीहरूलाई गुनासो गरेको देखेको छैन। मैले उसलाई नकारात्मकतामा फसेको देखेको छैन। मैले उसलाई कहिल्यै चीजहरूको कथा परिवर्तन गरेको देखिन।'