एजेन्सी । कोभिड –१९अ महामारीको समयमा भारतीय रेललाई ३५,००० करोड रुपैयाँको ठूलो घाटा भएको छ । रेल राज्यमन्त्री रावसाहेब दानवेले यो दाबी गरेका छन् । दानवेले आइतबार महाराष्ट्रको जालना रेलवे स्टेशनमा एउटा अन्डरब्रिजको शिलान्यास समारोहलाई सम्बोधन गर्दै यस्तो बताएका हुन । उनले भने ‘कोरोनाभाइरस महामारीको समयमा रेलवेलाई ३५,००० करोड रुपैयाँ घाटा लागेको छ ।’

कोरोनाको कहर गत बर्ष मार्च मा शुरू भएपछि, धेरै जसो ट्रेनहरुको संचालन ठप्प भएका छन । त्यसमा लकडाउन कारण केवल जरूरी सामानहरु रेलवे कमाउने मालगाडीहरुद्वारा ढुवानी गरीएको थिए । अहिलेसम्म सबै रेलहरुको संचालन पूर्ण रुपमा शुरू भएको छैन ।

समाचार एजेन्सी पीटीआईका अनुसार रावसाहेब दानवेले मालबाहक गाडी रेललाई रेलको वास्तविक राजस्व प्रदायक भनेका छन्। उनले बुलेट ट्रेन परियोजना मुम्बई–नागपुर एक्सप्रेसवे को साथमा लागू गरिनेछ, जुन हाल निर्माणाधीन छ ।

दानवेले भने, ’यात्री रेल खण्ड सधैं घाटामा चल्छ । टिकट भाडामा वृद्धिको कारण यात्रुहरु लाई प्रभावित गर्दछ, हामी यो गर्न सक्दैनौं । महामारीको बेला रेलवेले ३५,००० करोड रुपैयाँ घाटा बेहोर्नु परेको छ ।  केवल मालबाहक रेलहरुले मात्र आम्दानी गरिरहको छ ।’