एजेन्सी । लगानीकर्ताहरूलाई अत्त्याउने गरी तल झरेको बिटक्वाइनको मूल्य फेरि आकासिएको छ । यसअघि नै ६० हजार डलर भन्दा माथिमा कारोबार भइसकेको बिटक्वाइनको भाउ ३० हजारमा झर्दा यसका कारोबारीहरूमा निराशा छाएको थियो । 

तर, अन्तर्राष्ट्रिय बजारमा फेरी बिटक्वाइनको मूल्य बढेर एक बिटक्वाइनको मूल्य हाल ५० हजार अमेरिकी डलर भन्दा माथि पुगेको हो । एक महिना अगाडिसम्म  बिटक्वाइनको मूल्य ३३ हजार डलर थियो । 

धेरै मानिसहरूले अहिले बिटक्वाइनमा आएको बुलले चाडै एक लाख डलरको लक्ष्य भेट्ने चर्चा शुरु गरेका छन् । यसअघि विद्युतीय कार उत्पादक कम्पनी टेस्लाका प्रमुख कार्यकारी अधिकृत एलन मस्कको एउटा ट्विटले बिटक्वाइनको मूल्य ह्वात्तै घटाएको थियो ।