प्रदेश १ को मुख्यमन्त्रीमा भीम आचार्य नियुक्त, आजै शपथ

आर्थिकन्यूज
विहीबार, १० भदौ २०७८

काठमाडौं । प्रदेश नम्बर १ को मुख्यमन्त्रीमा भीम आचार्य नियुक्त भएका छन् । मुख्यमन्त्री शेरधन राईले पदबाट राजीनामा दिएसँगै प्रदेश प्रमुख सोमनाथ अधिकारी प्यासीले आचार्यलाई मुख्यमन्त्री नियुक्त गरेका हुन् ।

बैठकमा राजीनामा दिँदै राईले आचार्यलाई दलको नेतामा प्रस्ताव गरेका थिए । प्रदेश प्रमुखको कार्यालयले पनि नयाँ मुख्यमन्त्रीको शपथको आजै गराउने तयारी थालेको छ ।

नेकपा एमालेको सचिव समेत रहेका आचार्यलाई मुख्यमन्त्री बनाउने गरी आजै बसेको संसदीय दलको बैठकले दलको नेता चयन गर्ने निर्णय गरेको थियो ।