एजेन्सी। अहिले एक नयाँ बजार संसारमा देखिएको छ। जसलाई नन् फिजिकल टोकन (एनएफटी) भनिन्छ। यो त्यस्तो बजार हो जहाँ तपाईँले अनलाइनमा केही वस्तु किन्नु हुन्छ भने त्यो संसारमा तपाइसँग मात्र हुन्छ। त्यसको पूर्ण अधिकार सहित प्रतिलिपि कुनै प्रतिलिपि बनाउन नसकिने गरी तपाइसँग हुन्छ ।

ट्विटरका संस्थापक ज्याक डोर्सीले आफ्नो एकाउन्टबाट गरेको पहिलो ट्विट यो एनएफटीमा बिक्री भयो। यो एकल ट्वीटको मूल्य २ लाख डलर अर्थात् थियो। त्यस्तै गरी, अमेरिकी कलाकार बीपलको कलाकृतिको कोलाज ८ अर्ब भन्दा बढीमा बिक्री भएको थियो।

एनएफटीको व्यापार सामान्यतया क्रिप्टोकरेन्सिमा  गरिन्छ, तर केही प्लेटफार्महरूले अब डेबिट-क्रेडिट कार्डमार्फत समेत यस्ता सामान किन्ने विकल्प दिन थालेका छन्। नेपालमा अहिलेसम्म सुरु भई नसकेको यो बजारमा भारत भने प्रवेश गरिसकेको छ। नगण्य मात्रामा मात्र सुरु भएको यो बजार सबैभन्दा पहिले बलिउडका सेलिब्रेटी कलाकारहरू जोडिएका छन्। एनएफटीबाट उनीहरू आफ्नो समान बेचेर विश्वभरिबाट लाखौँ कमाइरहेका छन्। 

मेगा स्टार अमिताभ बच्चन र सनी लियोनी भारतबाट यस बजारमा प्रवेश गरेका छन्। अमिताभ आफ्नो आवाजमा एनएफटीमा मधुशाला बेच्ने तयारीमा छन्। जसको मूल्य करोडमा हुन सक्छ। सनी लियोनी आफ्ना हजारौँ डिजिटल अवतारहरू आफ्ना प्रशंसकहरूलाई एनएफटी मार्फत उपलब्ध गराइरहेकी छिन्। यसका लागि सनी लियोनी आफ्नो आफ्नै साइट sunnyleonenft.com बनाएकी छिन् ।

फिल्म स्टार सन्नी लियोनीले भारतीय सञ्चारमाध्यम दैनिक भास्करलाई बताए अनुसार उनका  हजारौँ रूपहरू अब एनएफटीमा बेचिनेछन्। विभिन्न वेशभूषा र बस्तुहरूसँग सनीको अनेकौँ अवतार त्यहाँ पाउनुहुनेछ। उदाहरणको लागी, यदि कुनै एक कार, बिल्डिङ वा बस्तुसँग सनीको एक फोटो वा भिडियो चाहन्छ भने त्यो तस्बिर केवल ऊसँग मात्र हुनेछ। उसले त्यो पाउने छ जसको यो एक निश्चित मूल्य हुनेछ र त्यो भिडियो वा तस्बिरको कुनै प्रतिलिपि फेरि बनाउन सकिँदैन।

त्यसै गरी अमिताभको गायकीमा बुबा हरिवंश राय बच्चनको कविता मधुशाला र उनको अटोग्राफ भएको फिल्म शोलेको एक पोस्टर पनि त्यहाँ पाइने छ जसको मूल्य करोडौँ हुने अनुमान गरिएको छ। अमिताभले आफ्नै आवाजमा 'मधुशाला' बेच्दैछन्। अमिताभको एनएफटी beyondlife.club मा विनिमयका लागि पोस्ट गरिएको छ। यसको लिलामी नोभेम्बरको पहिलो सातामा हुने छ।