एजेन्सी। फेसबुक खोल्दा कसैले तपाईंलाई थप्पड हान्छ भने कस्तो लाग्छ होला ? सोच्नुहोस् त। तर, फेसबुकको लतबाट छुटकारा पाउन एक व्यक्तिले यस्तो गरेका छन् । ती व्यक्तिको नाम हो, मनिष सेठी । उनी भारतीय-अमेरिकी उद्यमी हुन्। उनको कम्पनी पाल्भोग जिम, ध्यान उपकरण बनाउँछ। मनिषले फेसबुकको लतबाट छुटकारा पाउन थप्पड हान्ने एक महिलालाई हायर गरेका छन् । यी महिलाको नाम कारा हो।

मनिषले फेसबुक खोल्न खोज्दा काराले उनलाई कडा थप्पड हान्नु पर्छ। यो नै उनको जागिर हो जसकालागी काराले प्रति घण्टा ८ डलर (करिब एक हजार रुपैयाँ) पाउँछिन् । फेसबुकको लतबाट छुटकारा पाउने यो अनौठो कामलाई लिएर विश्वकै चर्चित धनाढ्य एलोन मस्कले प्रतिक्रिया दिएका छन् ।

यो भाइरल खबरलाई लिएर विश्वका सबैभन्दा धनी व्यक्ति एलोन मस्कले जब प्रतिक्रिया दिए, त्यो झन् भाइरल भयो । यो घटना साझा गर्दै, मस्कले आगोको इमोजी बनाए। मस्कले सेयर गर्ने बित्तिकै मनिष सेठीले पनि यसको जवाफ दिए । उनले लेखेका छन् कि म यो तस्बिरको केटा हुँ। एलोन मस्कको शेयर पछि मेरो पहुँच सम्भवतः उच्च हुनेछ।

मनिष ९ वर्षदेखि फेसबुकको लतबाट छुटकारा पाउन थप्पडवाला प्रयोग गर्दै आएका छन् । उनले सन् २०१२ देखि कारालाई काममा राखेका छन्। "जब म समय बर्बाद गर्छु, तपाईँले मलाई चिच्याउनुपर्छ वा आवश्यक पर्दा मलाई थप्पड हान्नु पर्छ," सेठीले सन् २०१२ को विज्ञापनमा लेखेका थिए। मनिषले काराको थप्पडले काम गर्ने क्षमता पनि बढेको बताए । तिनीहरूको औसत कार्य क्षमता धेरै जसो पहिलो दिनहरूमा लगभग ३५-४० प्रतिशत थियो। जब कारा उनको छेउमा बसिन् उनको कार्य दक्षता ९८ प्रतिशतमा पुग्यो ।