एजेन्सी । एके ४७ जस्ता हतियार बनाउने रुसी कम्पनी कलाश्निकोभले पनि छिट्टै बजारमा अनौठो इलेक्ट्रिक कार ल्याउने भएको छ । यो कार एक पटक चार्ज गरेपछि १५० किलोमिटरसम्म माइलेज दिनसक्ने छ र विशेष कुरा यो ३ पाङ्ग्रे कार हुनेछ ।

हतियारको संसारमा आफ्नो छुट्टै पहिचान बनाएको रुसको कलाश्निकोभले इलेक्ट्रिक भेहिकल (इभी) सेग्मेन्टमा पनि प्रभुत्व जमाउँछ भन्ने कुरा कमैलाई थाहा होला । कम्पनीले आफ्नो पहिलो विद्युतीय गाडी लन्च गरेको छ ।  अहिले कम्पनीले थप दुईवटा विद्युतीय कार बनाउन लागेको छ र यसको प्रोटोटाइपको पेटेन्ट पनि मागेको छ ।

रसियाका स्थानीय सञ्चारमाध्यमका अनुसार कलाश्निकोभले युभी ४ को प्रोटोटाइपको पेटेन्ट दर्ताका लागि आवेदन दिएको छ। यससँगै कम्पनीले ४ पाङ्ग्रा र ४ ढोकासहितको ३ पाङ्ग्रे मोडल पनि ल्याउनेछ ।

यद्यपी यसको पूर्ण जानकारी अझै खुल्न सकेको छैन र पेटेन्टको प्रोटोटाइप फाइलका केही तस्विर मात्रै सार्वजनिक भएको छ । कलाश्निकोभको युभी ४ ३.४ मिटर लामो हुने अपेक्षा गरिएको छ। यो मुख्यतया दैनिक आवश्यकताहरूलाई ध्यानमा राखेर डिजाइन गरिएको हो। यो वजन हल्का हुन सक्छ। यो तौलमा हल्का हुन सक्छ र एक पटक चार्जमा १५० किलोमिटरको दूरीसम्म जान सक्ने अनुमान गरिएको छ।