एजेन्सी । इटालीको प्रतिस्पर्धा प्राधिकरणले बिहीबार इ(कमर्स कम्पनी अमेजनलाई १.२८ अर्ब डलर जरिवाना गरेको छ ।  अमेजनले तेस्रो पक्ष बिक्रेताहरूलाई यसको गोदाम र डेलिभरी प्रणालीहरू प्रयोग गरेर विशेष सेवाहरू प्रदान गरेका कारण जरिवना गरेको बताएको छ। यसले अन्य बिक्रेतालाई नोक्सान पुर्याएको छ।

नियामकले अमेजनलाई तेस्रो पक्ष बिक्रेताहरूको सूचीमा गैर(भेदभावपूर्ण मापदण्डहरू अपनाउन आदेश समेत दिएको छ। अमेजनले यी आदेशहरू पालना गरिरहेको छ वा छैन, यो ट्रस्टी मार्फत निगरानी गरिनेछ। इटालीमा, एन्टिट्रस्ट नियामकले कम्पनीलाई वार्षिक राजस्वको १० प्रतिशतसम्म जरिवाना गर्न सक्छ। तर, जरिवाना कति समयसम्म कम्पनीले यस्तो काम गरेकोमा भर पर्छ।

अमेजनले नियामकको यो कदमलाई गलत भनेको छ। कम्पनीले अब जरिवाना विरुद्ध पुनरावेदन गर्ने जनाएको छ। यदि तल्लो अदालतले अमेजनमाथि लगाइएको जरिवानालाई सही ठानेमा उच्च अदालतमा जाने अधिकार हुनेछ। यदि अदालतले जरिवाना धेरै छ जस्तो लाग्छ भने, यसले घटाउन सक्छ।

एन्टी(ट्रस्ट नियामकले दुई वर्षको अनुसन्धानले अनलाइन बजारमा अमेजनको बजार हिस्सा सन् २०१९ मा आफ्नो निकटतम प्रतिद्वन्द्वीभन्दा पाँच गुणा बढेको छ। अहिले यो भिन्नता झनै बढेको छ । 

पछिल्ला दुई वर्षमा, एप्पल, अल्फाबेट, फेसबुक ( मेटाभर्स) जस्ता कम्पनीहरूले युरोपेली संघ र अमेरिका जस्ता देशहरूमा पनि छानबिन र जरिवानाको सामना गर्नु परेको छ। तर, यी कम्पनीहरूले आफूमाथि लागेको आरोपलाई सधैँ अस्वीकार गर्दै आएका छन् ।