एजेन्सी । ‘मल्टी मिलियनियर’ सुकेश चन्द्रशेखर भारतबाट उदाउँने हाई–प्रोफाइल ठगी गर्नेमध्येका एक हुन् । सानै उमेरमा मानिसहरूलाई धोका दिन थालेका चन्द्रशेखरले फिल्म स्टार, व्यापारी र राजनीतिज्ञहरूलाई पनि प्रभावमा पारेर ठग्न सफल भएको आरोप लगाएको  छ । भारतको तिहार जेलमा सजाय काटिरहेका बेला उनको केही उच्च प्रोफाइल अपरेशनहरू सञ्चालन गरिएका थिए । 

 आर्थिक अपराध अनुसन्धान गर्ने भारतको शीर्ष एजेन्सी इन्फोर्समेन्ट डाइरेक्टरेट (ईडी) को भर्खरैको आरोपपत्र अनुसार चन्द्रशेखर २१ वटा मुद्दामा संलग्न छन् । उनले आफूलाई उच्च पदस्थ राजनीतिज्ञ वा आफूलाई उनीहरुको प्रभावशाली आफन्तको रूपमा चिनाएर भारतमा धेरै भिआइपीलाई ठगेका छन् । बाल्यकालदेखि नै चन्द्रशेखरलाई विलासी जीवनप्रतिको मोह थियो र उनले आफ्नो उद्देश्य पूरा गर्न आपराधिक गतिविधि तर्फ लागे । 

डिसेम्बर २०२१ मा दिल्ली पुलिसले चन्द्रशेखर र उनकी पत्नी लीना मारिया पल तथा अन्य १२ विरुद्ध भारतको शीर्ष औषधि कम्पनीहरूका एक प्रमुखलाई ठगी गरेको आरोपमा मुद्दा दर्ता भएको थियो । त्यसको दुई महिना अघि पुलिसले चन्द्रशेखर र अन्य १० जना विरुद्ध महाराष्ट्र संगठित अपराध नियन्त्रण अधिनियम (एमसीओसीए)को आह्वान गरेको थियो । अगस्टमा एजेन्सीले चन्द्रशेखरको केही परिसरमा छापा मारेको थियो र चेन्नईको समुद्रतर्फको बंगला ८.२५ मिलियन डलर नगद र एक दर्जनभन्दा बढी लक्जरी कारहरू कब्जा गरेको थियो ।

चन्द्रशेखरले बलिउड अभिनेत्री जेक्लिन फर्नान्डिसलाई कसरी पासोमा पारे भनेर प्रहरीमा दायर गरिएको चार्जशीटले देखाएको छ । उनले अभिनेतासँग मित्रता गर्न भारतका गृहमन्त्री अमित शाहको कार्यालयको नम्बरबाट नक्कल गर्दै ‘नक्कली’ कल गरेका थिए । चन्द्रशेखरले दिल्लीको रोहिणी जेलबाट फोन गरेका थिए । उनले फोन स्पुफिङ प्रविधि प्रयोग गरेर जबरजस्ती असुली ¥याकेट चलाए । 

जेक्लिनका अनुसार चन्द्रशेखरले आफूलाई उनको परिवारसहित सन टिभीको मालिक शेखर रत्न भनेर चिनाए । उनले आफू जयललिताको राजनीतिक परिवारबाट भएको पनि बताए । उनको मेकअप आर्टिस्टलाई अमित शाहको कार्यालयबाट फोन गरेर र उनलाई शेखरसँग सम्पर्क गर्न भने । त्यसपछि मेकअप आर्टिस्टले ज्याकलिनसँग चन्द्रशेखरको मोबाइल नम्बर शेयर गरे र उनीहरू सम्पर्कमा आए । अनुसन्धानको क्रममा ज्याकलिन र चन्द्रसेकरको धेरै घनिष्ट तस्बिरहरू इन्टरनेटमा बाहिर आए । डिसेम्बर २०२१ मा ज्याकलिनलाई मुम्बई एयरपोर्टबाट उडानमा चढ्नबाट रोकियो जब ईडीले उनको लागि लुकआउट सर्कुलर जारी ग¥यो । 

चन्द्रशेखरले ज्याकलिनलाई दिएका केही महँगो उपहारहरूमा जिम लगाउने गुच्ची आउटफिट, गुच्ची जुत्ता, रोलेक्स घडी, १५ जोडी झुम्का, ५ वटा बर्किन झोला, हर्मिसका चुरा र एलभी झोलाहरू समावेश थिए । उनले ज्याकलिनलाई मिनी हेलिकोप्टर पनि दिए । अमेरिकामा बस्दै आएकी ज्याकलिनकी बहिनी गेराल्डिन फर्नान्डेजलाई बीएमडब्लु कार उपहार दिइएको छ । उनले ज्याकलिनकी आमालाई करिब १,८०,००० डलर र एउटा पोर्श कार पनि दिए ।

चन्द्रशेखरको जालमा परेकी अर्की अभिनेत्री हुन् नोरा फतेही । ईडीले चन्द्रशेखरले अभिनेत्रीलाई बीएमडब्लू कार उपहार दिएको र पछि उनलाई अन्य महँगो उपहारका साथै ७५ लाख रुपैयाँ दिएको बताएको छ । ज्याकलिन र नोरा बाहेक ईडीसँग पाँच बलिउड अभिनेत्रीहरूको सूची छ जसको चन्द्रशेखरसँग सम्बन्ध थियो । 

जेलभित्र रहे पनि चन्द्रशेखरले तिहाडमा जेलका कर्मचारीहरूको फोन प्रयोग गरेर जबरजस्ती फिरौतीको रैकेट सञ्चालन गर्ने मौका छोडेनन्। उनले विभिन्न ठूला आयोजनाका सरकारी विज्ञापन र टेन्डरको विवरण संकलन गरी व्यवसायीसँग रकम असुल्न प्रयोग गरेका थिए । 

व्यापारीहरूलाई ठगी गर्न एप्समार्फत स्पुफिङ प्रविधि प्रयोग गर्ने चन्द्रशेखरले जेलभित्र पनि विलासी जीवन बिताएका थिए । उनले मोबाइल फोन प्रयोग गरेबापत पन्ध्र दिनमा ६ देखि ७५ लाख रुपैयाँ घुस दिएको आरोप समेत लागेको थियो । चन्द्रशेखरले कारागारबाट विदेशबाट आएको सिमकार्ड प्रयोग गरेको पनि अनुसन्धानकर्ताले पत्ता लगाएका छन् । उनले क्रिप्टोकरेन्सीमा जबरजस्ती लगानी गर्न लगाउने गरेका थिए ।

करिब २० मुद्दाका आरोपी चन्द्रशेखरमाथि तिहाड जेलबाट २ अर्ब रुपैयाँ  रकम असुली गरेको आरोप छ । उनका यसअघिका केही मुद्दाहरूमा ७५ करोड रुपैयाँ ठगी गरेको मुद्दा दर्ता छन् । आफूलाई राजनीतिज्ञको आफन्त भएको देखाउँदै चन्द्रशेखरले सयभन्दा बढीलाई जागिर दिने आश्वासन दिएर ठगी गरेको आरोप छन । सन् २०११ मा चेन्नईस्थित बैंकलाई ठगी गरेको आरोपमा प्रहरीले उनलाई उनकी प्रेमिका लीना मारिया पलसँगै पक्राउ गरेको थियो ।