काठमाडौं । नेपाल निजामती कर्मचारी युनियन, प्रधानमन्त्री तथा मन्त्रिपरिषद्को कार्यालयको शुक्रबार सम्पन्न आठौँ विभागीय अधिवेशनले यमप्रसाद तिवारीको अध्यक्षतामा १७ सदस्यीय नयाँ कार्यसमिति निर्वाचित गरेको छ । 

तिवारी दोस्रो कार्यकालका लागि सर्वसम्मत रूपमा पुनः निर्वाचित भएका हुन । समितिको उपाध्यक्ष (खुला) विष्णुप्रसाद बराल, उपाध्यक्ष (महिला) उमा श्रेष्ठ, उपाध्यक्ष (समावेशी) डम्बरकुमार श्रेष्ठ, सचिव मधुसुदन भट्टराई, सहसचिव हिमालप्रसाद आचार्य, कोषाध्यक्ष पुस्कर मानन्धर चयन भएका हुन ।

 यसैगरी समितिको खुला र समावेशी सदस्यमा कृष्णप्रसाद गौतम, शिवराम खड्का, यशोदा अर्याल, मनोज राउत, अमिर महर्जन, रेनुका सुवेदी, श्रीहरी पुडासैनी, राजनलाल श्रेष्ठ, झलकबहादुर कार्की रहनुभएको छ । केन्द्रीय महाधिवेशन प्रतिनिधिमा कृष्णप्रसाद पौडेल र प्रदीपराज भण्डारी निर्वाचित भएका छन ।

निर्वाचन समितिका संयोजक सन्तोष दाहाल र सदस्य सन्तोष पौडेलले आजै नवनिर्वाचित पदाधिकारी तथा सदस्यलाई पद तथा गोपनियताको सपथ ग्रहण गराई बधाई तथा कार्यकालको सफलताको लागि शुभकामना दिएका थिए । अधिवेशनको उद्घाटन गर्दै प्रधानमन्त्री कार्यालयका राज्यमन्त्री उमेश श्रेष्ठले शुभकामना मन्तव्य दिए ।

 यसैगरी प्रधानमन्त्रीका प्रशासनिक सल्लाहकार जनार्दन नेपाल, प्रधानमन्त्री कार्यालयका सचिव शिशिरकुमार ढुङ्गानाले अधिवेशनको सफलताको कामना गर्नुभएको थियो ।प्रधानमन्त्री शेरबहादुर देउवाले नवनिर्वाचित विभागीय कार्य समितिका पदाधिकारीलाई बधाई तथा कार्यकालको सफलताको शुभकामना दिए ।