एजेन्सी । टाटा र बिरला समूहका दुई कम्पनीको शेयरले आफ्ना लगानीकर्तामा लगातार नोटको वर्षा भइरहेको छ । पछिल्लो एक वर्षमा यी दुवै स्टकमा लगानीकर्ताले २७ सय प्रतिशतभन्दा बढी प्रतिफल पाएका छन् । टाटा टेलिसर्भिस, मुम्बईको दूरसंचार र क्लाउड सेवा प्रदायक कम्पनीको शेयरले पछिल्लो एक वर्षमा २,७१४.९७ प्रतिशत नाफा दिएको छ । गत वर्ष नेशनल स्टक एक्सचेन्ज (एनएसई) मा कम्पनीको शेयर मूल्य ९.३५ रुपैयाँ मात्र थियो । अहिले शुक्रबार कम्पनीको शेयर रु २६३.२० मा बन्द भएको छ ।

बिरला समूहको पोलिमर प्रशोधन कम्पनी एक्सप्रो इन्डियाको शेयरले पछिल्लो एक वर्षमा २ हजार ७४३.४० प्रतिशत प्रतिफल दिएको छ । एक वर्षअघि कम्पनीको शेयर मूल्य ३८.२५ रुपैयाँ थियो । ९ जनवरी २०२१ मा बजार बन्द हुँदा, शेयर मूल्य १,०८९.५० रुपैयाँमा बढेको थियो । 

एक्प्रो इण्डिया बिरला समूहको सानो कम्पनी हो । यसले मुख्यतया रेफ्रिजरेटरका लागि लाइनर र क्यापेसिटरहरूका लागि प्याकेजिङ सामग्री उत्पादन गर्छ । यस प्रकारको काम गर्ने यो भारतमा एक मात्र कम्पनी हो  । यसको कुनै प्रतिस्पर्धी छैन ।