एजेन्सी । दुबईले व्यवसायीक व्यक्तिका लागि आइतवार स्व–रोजगार लागि ‘ट्यालेन्ट पास’ लाइसेन्स जारी गर्न सम्झौता गरेको छ । विश्वभरका विशेष सीप र विशेषज्ञता भएका व्यक्तिहरूका लागि उपलब्ध हुने नयाँ इजाजतपत्रको उद्देश्य मिडिया, शिक्षा, प्रविधि, कला, मार्केटिङ र परामर्शका क्षेत्रमा विश्वव्यापी प्रतिभा र  व्यवसायीकहरूलाई आकर्षित गर्ने जनाएको छ । 

फ्री जोनमा व्यापारिक वातावरणलाई थप जीवन्त बनाउने र नयाँ सृजनाकारहरूको प्रतिभालाई विश्वव्यापी भारीका लागि दुबई गन्तव्यको रूपमा स्थापित गर्ने उद्देश्य रहेको छ । दुबई इन्टिग्रेटेड इकोनोमिक जोन अथोरिटीको एक हिस्सा, दुबई एयरपोर्ट फ्रीजोनले नयाँ पहललाई सहज बनाउन आयोजित एक समारोहमा दुबई संस्कृति र रेसिडेन्सी र विदेशी मामिलाहरूको महानिर्देशनालयसँग एमओयूमा हस्ताक्षर भएको छ । 

यो एमओयूले इमिरेट्सको जीडीपी बृद्धि गर्न व्यावसायिक, लगानी र रचनात्मक क्षेत्रहरूको भूमिका बढाएर राष्ट्रिय अर्थतन्त्रलाई सहयोग गर्ने रहेको छ । एमओयू युएईका उपराष्ट्रपति र प्रधानमन्त्री तथा दुबईका शासक महामहिम शेख मोहम्मद बिन रसिद अल मक्तुमले सुरु गरेको रचनात्मक अर्थतन्त्रका लागि दुबईको रणनीतिसँग मिल्दोजुल्दो छ । रणनीतिले दुबईको जीडीपीमा रचनात्मक क्षेत्रको योगदानलाई दोब्बर बनाउने सृजनशिल व्यक्ति, लगानीकर्ता र उद्यमीहरू, साथै स्थानीय, क्षेत्रीय र अन्तर्राष्ट्रिय लगानीहरू आकर्षित गर्ने एमिरेटको क्षमता बढाउन खोज्छ । जसले दुबईको स्थितिलाई बलियो बनाउन मद्दत गर्नेछ । 

एमओयू अनुसार सबै पक्षले विश्वव्यापी प्रतिभालाई दुबईमा आकर्षित गर्न र यसलाई रचनात्मकता र नवप्रवर्तनको केन्द्रको रूपमा प्रवर्द्धन गर्ने प्रयासमा सहयोग गर्नेछन् ।  तीन वर्षको लागि आवासीय भिसा प्राप्त गर्ने छन् र  इजाजतपत्र व्यक्तिको  नेटवर्कमा पहुँच पाउनेछन् । डीएएफजेडले ठूलो स्पेश भएको कार्यालय समेत उपलब्ध गराउने छ । 

साथै अन्तर्राष्ट्रिय कम्पनीहरूदेखि र उद्यमीहरू सम्म उनीहरूको फ्री जोनको डिजिटल प्लेटफर्ममा पनि पहुँच हुनेछ  । यसले गर्दा उनीहरूलाई कामको सम्झौता र सेवाहरूको लागि सम्पर्क गर्न अनुमति दिन्छ । डीएएफजेडमा २० भन्दा बढी महत्त्वपूर्ण आर्थिक क्षेत्रहरूमा १८०० भन्दा बढी कम्पनीहरू रहेका छन् । इनक्यूबेटर, प्रतिभाको हब, र विश्वव्यापी रचनात्मक क्षेत्रको राजधानीको रूपमा दुबईको प्रोफाइल उचाल्ने लक्ष्य राखिएको छ ।