एजेन्सी । भारतको अदानी समूहका कम्पनीहरूको मार्केट क्याप पहिलो पटक ११ लाख करोड रुपैयाँ नाघेको छ । शुक्रबार बजार बन्द भएपछि कम्पनीको कुल मूल्य १०.९५ लाख करोड रुपैयाँ थियो। जसमध्ये ३ कम्पनी २ लाख करोडभन्दा बढीका छन् ।

शुक्रबार बजार बन्द भएपछि गौतम अडानीको विश्वका अर्बपतिको वरियतामा पनि सुधार भएको छ । अहिले उनी विश्वकै १३औँ धनी व्यापारी बनेका छन् । अहिलेसम्म उनी १४ नम्बरमा थिए । अदानी ग्रीन एनर्जीको सबैभन्दा बढी बजार क्याप २.६५ लाख करोड रुपैयाँ छ। जबकि अडानी ट्रान्समिसनको २.२१ लाख करोड रुपैयाँ छ । अडानी इन्टरप्राइजेजको मूल्य २.०५ लाख करोड रुपैयाँ छ । अडानी टोटल ग्यासको मार्केट क्याप १.९८ लाख करोड रुपैयाँ छ ।

ब्लूमबर्ग बिलियनियर्स इन्डेक्सको रिपोर्ट अनुसार मुकेश अम्बानी विश्वको ११ औं धनी व्यापारी हुन् । उनको सम्पत्ति ७.२८ लाख करोड रुपैयाँ छ । जबकि अडानीको सम्पत्ति ६.५६ लाख करोड रुपैयाँ छ। डलरको सर्तमा, दुई बीचको भिन्नता लगभग ४ ढ.छ बिलियन छ । पछिल्लो समय गौतम अडानीको कम्पनीको शेयर मूल्य ह्वात्तै बढेको छ ।

यसमा अदानी ग्यास, अदानी ट्रान्समिसन, अदानी पावर, अदानी इन्टरप्राइजेजको शेयर अहिले एक वर्षकै उच्च बिन्दुमा पुगेको छ । जसका कारण अडानीको व्यक्तिगत सम्पत्ति पनि बढेको छ ।

हालै अम्बानी र अडानीले गुजरातमा ठूलो लगानीको घोषणा गरेका छन् । मुकेश अम्बानीले गुजरातमा हरित ऊर्जा र अन्य परियोजनाहरूमा आगामी १०–१५ वर्षमा ५.९५ लाख करोड रुपैयाँ लगानी गर्नेछन् ।  जियो, रिटेल सहित अन्य क्षेत्रहरूमा फोकस हुने उल्लेख छ । अदानी समूहले दक्षिण कोरियाली कम्पनी पोस्कोसँग राज्यमा स्टिल प्लान्ट स्थापना गर्न ४०,००० करोडको सम्झौता गरेको छ।