एजेन्सी । अमेरिकाको टेक्सासमा शनिबार एक आतंककारीले यहुदी मन्दिर (सिनागोग)मा आक्रमण गरी ४ जनालाई बन्धक बनाएको छ । आतंकारीले टेक्सास जेलमा बन्दी पाकिस्तानी स्नायु वैज्ञानिक अफिया सिद्दिकीलाई रिहा गर्न माग गरेका छन् । अफियालाई अलकायदासँग सम्बन्ध रहेको भन्दै अमेरिकामा जेल सजाय सुनाइएको थियो ।

टेक्सासको डलास क्षेत्रमा रहेको यो सिनागगमा आतंकवादीहरूले ४ जनालाई बन्धक बनाएका छन् । टेक्सासका गभर्नर ग्रेग एबोटले शनिबार बिहान (अमेरिकी समय) डलास क्षेत्रको एक सभाघरमा मानिसहरूलाई बन्धक बनाएको बताए। अहिलेसम्म कुनै हताहतीको खबर आएको छैन । अमेरिकको सरकारी मिडियाका अनुसार आतंकवादीले ४ जनालाई बन्धक बनाएको छ । टेक्सास प्रहरी, स्वाट स्क्वाड र एफबीआई टोली घटनास्थलमा पुगेको छ। अमेरिकी राष्ट्रपति जो बाइडेनले पनि घटनाको जानकारी लिएका छन् ।

अफियाले म्यासाचुसेट्स इन्स्टिच्युट अफ टेक्नोलोजीबाट न्यूरोसाइन्समा पीएचडी गरेकी छिन्। पाकिस्तानी नागरिक डा. अफिया सिद्दीकीलाई अल कायदासँग सम्बद्ध रहेको आरोप छ । उनले म्यासाचुसेट्स इन्स्टिच्युट अफ टेक्नोलोजीबाट न्यूरोसाइन्समा पीएचडी गरेकी छिन्। सिद्दिकीको नाम सन् २००३ मा चर्चामा आएको थियो जब आतंकवादी खालिद शेख मोहम्मदले एफबीआईलाई उनको बारेमा सुराग दिएका थिए । सो सूचनाका आधारमा अफियालाई अफगानिस्तानबाट पक्राउ गरिएको हो । त्यहाँ उनले बगरामको जेलमा एफबीआई अधिकारीलाई मार्ने प्रयास गरे, त्यसपछि उनलाई अमेरिका पठाइयो।

आफिया, एक सामाजिक कार्यकर्ता पनि हुन । उनका संलग्नतामा केन्यामा रहेको अमेरिकी दूतावासमा आक्रमण गरेको आरोप छ । उनीसँग आबद्ध परोपकारी संस्था अफिया र उनका पति अमजद खानलाई एफबीआईले मे २००२ मा वर्ल्ड ट्रेड सेन्टरमा आक्रमण गरेपछि पनि सोधपुछ गरेको थियो।

आफियाका भाइमाथि आरोप लागेको थियो । केही रिपोर्टहरूले यो हमला अफिया सिद्दिकीका भाइ मुहम्मद सिद्दिकीले गराएको दाबी गरिएको छ । यद्यपि मोहम्मद सिद्दिकीले आक्रमणपछि मात्रै यी आरोपहरूलाई अस्वीकार गरेका छन् । उनले यो मुद्दामा आफ्नो नाम आएकोमा आफू दुखी भएको बताए ।

यहूदी मन्दिरको बारेमा इजरायललाई सतर्क अमेरिकामा रहेको इजरायली अधिकारी लिभिया लिंकले पनि यस घटनाबारे बयान दिएकी छिन् । लिभियाले भनिन ’मेरो हृदय र मेरो प्रार्थना आज यहूदी समुदायसँग छ। हामी घटनाको निरन्तर अपडेट गरिरहेका छौं। इजरायलका विदेशमन्त्री यायर लापिडलाई पनि अवस्थाबारे जानकारी गराइएको छ।