एजेन्सी । रुस र युक्रेन दुवै युद्धको नजिक पुगेका छन् । यी दुई देश जुनसुकै बेला सीधा लडाई सुरु हुन सक्छन । लगातार बढ्दो तनावका कारण विश्वभर कच्चा तेलको बजारमा उथलपुथल जारी छ । रुसले दैनिक १० मिलियन ब्यारेल तेल उत्पादन गर्छ । जुन विश्वव्यापी मागको १० प्रतिशत हो । थप रूपमा यो युरोपमा प्राकृतिक ग्यासको सबैभन्दा ठूलो आपूर्तिकर्ता हो। यदि यो सप्लाई लाइन बिग्रियो भने इन्धनको मूल्य आकाशिने छ ।

मागको तुलनामा आपूर्ति नहुँदा कच्चा तेलको मूल्य प्रति ब्यारेल ९० डलर पुगेको छ । जुन सन् २०१४ यताकै उच्च हो । विज्ञहरूका अनुसार छिट्टै यसले प्रति ब्यारेल १०० डलरको अंक पनि पार गर्नेछ । सोमबार तेल बजार झण्डै २ प्रतिशतले बढेको छ । योसँगै युरोपेली प्राकृतिक ग्यासको मूल्य पनि करिब ६ प्रतिशतले बढेको छ ।

अमेरिकी राष्ट्रपति बाइडेनले रुसले युक्रेनमा आक्रमण गरे युरोपसँगको ग्यास पाइपलाइन परियोजना नर्ड स्ट्रिम २ सुरु हुन नदिने धम्की दिएका छन् ।

युद्धको सबैभन्दा ठूलो खतरा प्राकृतिक ग्याँस आपूर्ति श्रृंखलाको क्षति पुग्ने अनुमान गरिएको छ । रुसले युरोपलाई कुल प्राकृतिक ग्यासको ३३ प्रतिशत युक्रेनी पाइपलाइनमार्फत आपूर्ति गर्छ । यो आपूर्ति शृङ्खला प्रभावित भएमा विद्युत उत्पादन कटौती हुनुका साथै कलकारखाना बन्द गर्नुपर्ने अवस्था आउन सक्छ । यससँगै विश्वभरको शेयर बजार अझै ओरालो लाग्नेछ ।

परामर्शदाता फर्म रिस्टाड इनर्जीका निशान्त भूषणका अनुसार युद्धको सम्भावित खतराले मात्र मूल्य बढाउन सक्छ । कोरोनाका कारण धेरैले सार्वजनिक यातायात छाडेर निजी सवारी साधन बढी प्रयोग गरिरहेका छन् । जसका कारण माग बढेको हो । यसैलाई ध्यानमा राख्दै अमेरिकी तेल कम्पनीहरूले क्रमशः उत्पादन बढाइरहेका छन् ।

बाइडेन प्रशासनले इरानसँगको आणविक सम्झौतालाई ट्र्याकमा फर्काउने प्रयास गरिरहेको छ । सन्तुलनमा झुन्डिएको यो सम्झौताका कारण इरानले अमेरिकी प्रतिबन्धको सामना गरिरहेको छ । यो सम्झौता भएमा इरानले दैनिक १० लाख ब्यारेल तेल उत्पादन गर्न सक्नेछ ।

रूसले विश्वको तेलको १० प्रतिशत उत्पादन गर्दछ । यदि रूसले युक्रेनमा युद्ध सुरु गर्छ भने कच्चा तेलको मूल्य प्रति ब्यारेल १०० देखि १२० पुग्ने छ । रूसले विश्वको तेलको १० प्रतिशत उत्पादन गर्दछ । 

टेक्सासको तेल कम्पनी, पायोनियर नेचुरल रिसोर्सेसका स्कट शेफिल्डले भने– यदि पुटिनले आक्रमण गरे कच्चा तेलको मूल्य प्रति ब्यारेल १०० देखि १२० डलर पुग्न सक्छ । तर यदि बाइडेनले इरानमाथिको प्रतिबन्ध हटाए भने यसको मूल्य १० डलर घट्नेछ । अहिले बजारमा जति माग छ । त्यति आपूर्ति छैन, जसका कारण मूल्य १०० डलर नाघेको निश्चित छ ।

अमेरिकामा मुद्रास्फीति दर हाल रेकर्ड ७.५ प्रतिशत छ । यससँग लड्न फेडरल रिजर्भले ब्याजदर बढाएको छ । जसको असर विश्वभरको शेयर बजारमा परेको छ । रुस र युक्रेनबाट पनि युद्धबाट बच्न कूटनीतिक पहल भइरहेको छ । युक्रेनले ४८ घण्टाभित्र रुससँग वार्ता गर्ने इच्छा व्यक्त गरेको छ । युक्रेनले सीमा क्षेत्रमा आक्रमण हुनसक्ने आशंकाका बीच ४८ घण्टाभित्र रुससँग वार्ता गर्ने इच्छा व्यक्त गरेको छ ।