एजेन्सी । भारतको अदानी ग्रुपको कम्पनी अदानी ग्रीन कम्पनीले पछिल्लो ३ वर्षमा करिब ७ हजार प्रतिशतको नाफा दिएको  छ । शुक्रबार भारतको स्टक बीएसईमा २,१२८.९० मा बन्द भयो । ठीक ३ वर्षअघि अर्थात् १८ फेब्रुअरी २०१९ मा यसको मूल्य मात्र ३०.१० रुपैयाँ थियो । यसको अर्थ यो स्टकले विगत ३ वर्षमा ६ हजार ९६९ प्रतिशत प्रतिफल दिएको छ । ३ वर्षअघि सामान्य रहेको शेयरको मूल्य आज २ हजार १ सय नाघेको छ । केही दिन अघि अदानी ग्रीनको मार्केट क्याप ३ लाख करोड नाघेको थियो । योसँगै अडानी ग्रीन अब आईटीसी र टाइटनभन्दा ठूलो कम्पनी बनेको छ ।

अदानी ग्रिनको यो उल्लेखनीय यात्रा अनुसार कुनै लगानीकर्ताले ३ वर्षअघि यसको सेयरमा १ लाख रुपैयाँ लगानी गरेको भए आज उसको पोर्टफोलियोको मूल्य बढेर ७० लाख ६९ हजार रुपैयाँ पुगेको छ ।  आज, यो स्टक पनि बीएसआइमा २,१२८.९० रपैयाँ भारुको उच्च छ । जबकि सेन्सेक्स र निफ्टी जस्ता प्रमुख सूचकांकहरू लगातार तेस्रो दिन गिरावटमा आएको छ ।  यसको विपरित अदानी ग्रीनको स्टक पछिल्लो ४ दिनमा ११ प्रतिशतले बढेको छ ।

अदानी ग्रीन शेयर बजारको यात्रा रोचक रह्यो । करिब चार वर्षअघि ३० रुपैयाँभन्दा कममा यो यात्रा सुरु भएको थियो । जुन २२, २०१८मा अडानी ग्रीनको शेयर मात्र २९.४५ रुपैयाँ भारु थियो ।  सय रुपैयाँ पुग्न करिब डेढ वर्ष लाग्यो । कोरोना अवधिमा पखेटा पाउँदै यसले ५००, १००० र  १५०० रुपैयाँ भारुको स्तर रहेको छ । यसरी अदानी ग्रीनको स्टक हालसम्म करिब ७ हजार प्रतिशतले बढेको छ ।