एजेन्सी । रुस–युक्रेन तनावका कारण सुन र चाँदीको भाउमा उच्च वृद्धि भएको छ । अन्तर्राष्ट्रिय बजारमा सुनको भाउ १ हजार ९०९ डलर नाघेको छ । अन्तर्राष्ट्रिय बजारमा सुन प्रति औंस १ हजार ९०९ दशमलव १२ अमेरिकी डलर पुगेको छ । अर्कोतर्फ, चाँदीको कुरा गर्दा यो प्रति औंस २४ डलर नाघेको छ ।

रुस र युक्रेनबीच तनाव बढ्दै गएका बेलामा सुनमा लगानी गर्नेहरु  बढ्न थालेका हुन । मुद्रास्फीति नियन्त्रण हुन नसक्दा अहिले सुनको भाउ बढ्ने सम्भावना रहेको विज्ञहरुको भनाइ छ ।  अन्तर्राष्ट्रिय बजारमा सुनको भाउ आगामी तीन–चार महिनामा दुई हजार डलरसम्म पुग्न सक्ने अनुमान गरिएको छ । यससँगै नेपालमा  सुनको भाउ ९७ हजार पुगेको छ ।