मन्त्रालयले विदेश पढ्न जान नपाएका विद्यार्थीको सूची माग्यो

आर्थिकन्यूज
सोमबार, २१ चैत्र २०७८

काठमाडौं । वितग २ वर्षदेखि नेपालबाट विदेशमा पढ्न जान नपाएका विद्यार्थीको सूची शिक्षा तथा विज्ञान प्रविधि मन्त्रालयले मागेको छ । कोभिड–१९ महामारीको अवधिमा नेपाल फर्किआएका र बन्दाबन्दीको कारणले अध्ययन गर्न जान नपाएको विद्यार्थीहरुले चैत २५ गतेभित्र निवेदन दिन भनेको हो ।

मन्त्रालयले जारी गरेको सूचनामा चीन लगायतका देशहरूमा उच्च शिक्षाका विभिन्न शैक्षिक कार्यक्रमहरूमा अध्ययनरत नेपाली विद्यार्थीहरूको बारेमा विस्तृत विवरण माग गरेको छ । मन्त्रालयको सूचना पाटी वा वेबसाइटमा राखिएको निवेदन ढाँचा अनुसार विवरण खुलाई मन्त्रालयको प्राविधिक शिक्षा शाखाको इमेलमा निवेदन गर्न अनुरोध गरेको छ ।