न्युयोर्क सबवे स्टेशन गोलीकाण्डमा परि कम्तीमा १३ जना घाइते

आर्थिकन्यूज
मंगलबार, २९ चैत्र २०७८

न्युयोर्क । अमेरिकाको न्युयोर्कको ब्रुकलिनमा रहेको सबवे स्टेशनमा भएको गोलीकाण्डमा कम्तीमा १३ जना घाइते भएका छन् । स्थानीय सञ्चारमाध्यमका अनुसार मंगलबार स्थानीय समय अनुसार बिहान ८ः३० बजे सनसेट पार्कको ३६औं स्ट्रीट स्टेशनमा गोली चलेको थियो ।

घटनास्थलका तस्बिरहरूमा यात्रुहरू स्टेशनको भुइँमा रगतको पोखरीमा लतपतिएको देखाइएको बताएका छन। घटनास्थलमा विस्फोटक पदार्थ पनि फेला परेको छ ।

अधिकारीहरूले मानिसहरूलाई यस क्षेत्रबाट टाढा रहन आग्रह गरेका छन् र सबवे रेलहरू ढिलाइ हुनेछन्। कम्तिमा चार रेल लाइनहरू पनि ढिलाइ भएका छन्। संदिग्ध आक्रमणकारीको खोजी भइरहेको प्रहरीले जनाएको छ ।