रुसमाथिको दबाव बढाउन थप प्रतिबन्धमा गरिदै

आर्थिकन्यूज
सोमबार, २६ बैशाख २०७९

एजेन्सी । दोस्रो विश्वयुद्धमा रुसले ९ मे अर्थात आजकै दिन हिटलरको नाजी सेनालाई पराजित गरेको थियो । यस दिनको महत्वलाई ध्यानमा राख्दै रुसी राष्ट्रपति भ्लादिमिर पुटिनले आज नै युक्रेनविरुद्ध युद्धको घोषणा गर्न सक्नेछन् । यसबाहेक रुसी सेनाले युक्रेनी सहर मारियुपोलमा परेड गर्न सक्नेछ । रुसले हालसम्म युक्रेनमा भएको आक्रमणलाई विशेष अभियानको रुपमा व्याख्या गर्दै आएको छ ।

अर्कोतर्फ रुसमाथि दबाब बढाउन अमेरिका, जी–७ देश र युरोपेली युनियनले प्रतिबन्धको दायरा बढाएका छन् । रुसी अर्थतन्त्रलाई धक्का दिन मस्कोबाट तेल आयातमा प्रतिबन्ध लगाउने भनिएको थियो । तर, यसका लागि कुनै समय सीमा तोकिएको छैन ।